PDFa jaitsi - Euskaltzaindia

Rafaelen ostatuan jaten genduan orain
atzeneko urte auetan. Bidean bermut bat
edo beste artuaz, bagenekigun, ba, nora
joan bear genduan bazkaltzera, araxe bilduko
giñan atzenerako. Lasai bazkaldu;
arratsalderako kezkarik gabe kapea artu.
Ordurako batenbat asiko zan txistu
jotzen, berrogei txistulari oiek an bazkaltzen
zuten gurekin da.
Naparroako Arizkungoa bada aitona
koskor bat, gogotsua. Ura izango zan
lenbiziko asiko zana, eta bai ederki jo ere
txistua. Bi edo iru pieza joko zituan bere
gustorakoenak; eta nai zuanak jo, lekua
emango zion.
Orduan Lesakakoa, gizon eder bat,
asiko zan. Arek ere joko zituan bereak.
Bat beintzat birigarroa joko zuan, eta
egundoko txaloak joko zitzaizkion. Nai
zuanak jo, lekua utziko zion arek ere.
Urrengo, Errenteriko banda asiko
zan: Lizardi ta bere lagunak. Oiartzungo
Mendizabal ere askotan an izango zan
aiekin, eta Goikoetxea Zestuakoa, orain
Errenterin bizi da aspaldian baña.
Geienak probatuko ziran ano Ora indik
onena ez det aitatu: txistulari eléctrico,
Amasako Garate. Ura ere asiko zan,
bi edo iru pieza joko zituan, da aretxek
irabazten zituan txaloak. Jo ere egiten
zizkioten.
Gure txanda ere etorriko zan, da batenbat
izango zan guri ere aginduko ziguna.
Donostiar bat iza ten zan; praktikantea
esa ten zioten.
Asiko giñan, ba, gu ere eta egingo
genduan gure saioa. Alako jende alaiaren
aurrean pozak egin ere, eta geure
lana egindakoan ixiltzen giñan.
Praktikantea bera asiko zan orduan.
Txistua jotzen balio duana da. Bakarrik
ere ondo jotzen duan txistularia da ura.
Manuel Olaizola "Uztapide"
229
Isidro Ansorena ere denbora batean
ortxen iza ten zan. Orain ez du txisturik
joko bearbada, baña txistulari danen
maisua. Ari txapela erantzi izan zioten
danak, eta umore ederreko gizonak dira
aiek.
Anaia bat ere badu Ernanin bizi
dana, gizon alaia. Arekin ere ortxe, Ondarrabin,
juntatu oi giñan. Irurogei ta
emezortzi urte zeuzkala esan zuan berak,
eta umorea saltzeko ere bazeukan
arek.
Orrelako gizonak bear luteke bizi luzea.
Alai ta pakean bizi diran gizon oiek
urte askotarako izan ditezela.
An izan diranak, danak ez da aitatzen
ere errez; baña Zarauzko Izagirre
ere etorri izan da. Arek ere bakarrik jotzen
zuan ederki.
Getarikoa ere bai, aitona aundi bat,
len musikako diretore izandakoa. Arek
ere utzi zion etortzeari; larogei urtetik
gora ditu arek.
Bergarakoa ere zarra iza ten zan bat,
eta orrelaxe.
Ala, bazkaltzeko denbora alaia iza ten
zan an, baña jendea agurtzeko garaia
etortzen zan; txistulariak danak agurtuko
giñuzen bertso banan edo binan, eta
urrengo urtera arteko pakea egingo genduan.
Gero Bar Ignacio-ko nagusia eta etxeko
andrea ere agurtu bear iza ten giñuzen.
Neroni ere antxe egin izan zidaten
omenajea, txapeldun atera nintzanean;
eta beti gogoan eduki izan det ori. Berrogeiren
bat lagun junta tu ziran, da antxe
apaldu egin genduan umore ederreano
Basarri ere joan zan apaltzera, eta
guk ere bertso-saio bat egin genduan eta
ederki pasa genduan.