PDFa jaitsi - Euskaltzaindia

Aita ta ama ziran lenbizi,
zortzi gero senideak,
eta bakoitzak izaten ditu
norbere adixkideak,
batzuek lagun maiteak eta
beste batzuek aideak,
baña norberak billatu bear
bizimoduko bideak.
Jakiña dago sortu giñala
aita ta amarengandik,
kontseju txarrik ez da izaten
guraso onarengandik;
gure Jainkuak egun batian
eraman zitun emendik,
nik zerbait baño naiago nuke
bizi balira oraindik.
Zortzi senide giñaden eta
guztiak sakabanatu,
al zan bezela bizimodua
bakoitzak gereganatu;
kristau pobriak oi dan bezela
bizitzen asko penatu,
bañan alare noiz zartu geran
ez degu asko sumatu.
Anai zarrena etxerako ta
beste guziak kanpuan,
bizi-lekua billatu bear
bakoitzak al zun lekuan;
guk ere lortu gendun noizbaiten
da ez berialakuan,
etxerako zan anaia zarra
zoriontsu zalakuan.
Maiorazkua izanagatik
an etzan zorionikan,
ogei-etaka ganadurekin
ez baitzegon an bromikan:
gazte guziak kalera eta
iñon ez gauza onikan,
baserria're bajatutzen da
ez bada egiten lanikan.
Berriz plazara
80
Gaztiak danak kalera eta
au baserriko segira!
Oso ikusi erraza dago
jarririk guri begira:
opiziorik ez gendulako
nola juan giñan mendira;
gaurko gaztiak gu zarrak baño
lenago esnatzen dira.
Zazpi seme ta bi alabatxo
ziran pameli gaztia,
pentsatu zuten opiziua
ta eskolan ikastia;
orretarako komeni baita
bere garaian astia,
Uztapidetik aldegin gabe
zailla zan erakustia.
8 Gaztiak kale-birian eta
gurasuarentzat lanak,
nunbaiten miña izango dute
asko nekatzen diranak;
gauza onikan etzeukatela
ondo ziran antzemanak,
askoz obia zutela andik
kalera jetxita danak.
Gurasuak an arkitzen ziran
lan zakarrakin etsita,
eta kalera jetxi ziraden
baserriari utzita;
kalian ere zerbait billa tu
bear menditik jetxita,
etxian ezin egongo ziran
ate guziak itxita.
Kalian ere izaten dira
makiña bat aitzaki-ta,
an ere etxe utsa baidago
goizian oitik jeikita;
baserritikan jetxi baño len
zeukaten erabakita
nola biziko ziran Zestuan
ostatu bat irikita.