PDFa jaitsi - Euskaltzaindia

ñek eta Lopategik desenpatea jokatu
bear dute.
Biak alkarri puntua jarrita egin dute
lau bertso osatu arte. Gero, bat ezkutatu;
Mattin eraman dute kartzela moduko
orretara, eta Lopategik bota ditu iru
bertso. Gero, Mattiñek ere bai, kartzelatik
aterata, beste iru; eta juraduak Mattin
aurrera pasatzeko erabakia artu zuan.
Ura ikusita, danok bazkaltzera joan
giñan; baña nik apetitua palta egun artan.
Kezkaz beterik, ez da jateko gogo
aundirik iza ten. Gizonak, tratu txarra artzeko,
ez du gauza aundiaren bearrik
izaten. Ori ere, zenbaiten idurirako, ez da
gauza aundia izango; baña gizona gaizki
jartzeko naikoa da. Neri arratsaldekoa
gogoratzen zitzaidan.
Etorri zan, ba, arratsaldea, eta asi da
txapelketa. Xalbador, Lazkao-Txiki, Mattin
da Mitxelena, laura k.
Asteko, bina puntua ematen die Irigoienek,
eta danak ondo erantzun dute.
Orain laurak gai bana dute, baña laurak
alkarrekin egingo dute iruna bertso. Oiek
bota dituztenean, bes te iruna, baña orain
binaka.
Lenbizi, Xalbador eta Lazkao-Txiki
opizioak emanda. Berealaxe egin zuten
saio ori ere. Gauza bera egin bear zuten
Mattiñek eta Mitxelenak; oiek ere kantatu
zituzten iruna bertso, eta bukatu zan
saio ori.
Orain lau bertsolariak lan bera egin
bear dute. lru kartzelara eraman dituzte,
eta Xalbador bertan gelditzen da, lenbizi
kantatzeko.
Puntua jarri dio, eta baita erantzun
ere. Gero, bildurrari bi bertso kantatzeko,
eta bereala aiek kantatu zituan. Gero,
emazte il zanaren soñekoari beste bi kantatzeko,
eta aiek ere bai. Atzenean, bu-
Berriz plazara
312
katzeko, bes te iru bertso, txiste bat kontatuaz;
eta, aiek kantatu zituanean, Xalbadorrek
eman zion saioari atzena.
Urrena Lazkao-Txiki asi zan, eta lan
bera izan zuan. Urrena Mattin, eta gero
Mitxelena; eta oiek ere lan bera.
Beraz, bukatu dute saioa, eta juraduak
erabaki du Lazkao-Txiki aurrera
pasatzeko.
Etorri da, ba, nere txanda ere, eta
ora in Lazkao-Txiki ta Uztapide. Agurra
egiten diotet pelota-lekuko jendeari.
Irigoienek Lazkao-Txikiri puntua;
erantzun duo Urrengo neri puntua, ta nik
ere erantzun det. Gero, opizioak emanda,
iruna bertso: Uztapide larogei urteko
aitona da; Lazkao-Txiki, berriz, aren
billoba, emezortzi urtekoa, estudiantea.
Arek Euskalerriko antziñako oitura garbiak
goratu bear ditu; ta billobak, berriz,
gaurko aurrerapenak. Nik asiera. lruna
bertso oiek bota ditugu biok txandan.
Eta Lazkao-Txiki eraman dute kartzela
moduko orretara, eta neri iru puntu
jarriko dizkit orain segiran, eta erantzun
ditut oiek. Orduan, azkeneko lau
itzak emanda, bertso bat, eta bota det
ori ere. Orduan bes te gai bat eman dit bi
bertso osatzeko: basarri on bateko seme
zarrenak ezkondu egin nai du, ta dei
egiten die inguruko baserrietako neskatxa
gazte ezkongai guziei. Aiek ere bota
ditut. Berriz ere bi bertso botatzeko gai
bat ematen dit: nere erriko elizako pontea;
eta oiek ere bota ditut. Eta beste iru
bertso kantatzeko: gaua da; ta, oiean 10tan
nagoala, il-kanpaiak esnatzen nau.
Eta iru oiekin bukatu det nere saioa.
Nere poza libratu naizenean! Deskantsu
ederra bai!
Orain Lazkao-Txiki. Gauza bera egin
bear du, ta bertso oiek danak kantatu
ditu eta bukatu du Lazkao-Txikik ere.