PDFa jaitsi - Euskaltzaindia

Uztapide gogoan
Uztapideri
Donostiko Astoria Antzokian omenaldi eder bat eskeñi zitzaion Uztapideri
1972-ko iraillaren 24-an. Andik bi egunera bertso auek agertu nituan La Voz de España
egunkarian.
Ogeitaka urtez ibili gera
biok erririkan erriz,
orduko sasoi eta almenik
ezta etorriko berriz.
Beti apal da beti leialki,
jatortasun arrigarriz,
ura berdintzen gaiztoa baita
gizonez ta bertsolariz.
Egun goxoak, egun mikatzak,
danak alkarren segiran,
Uztapidentzat ere eziña
orra nola etorri dan.
Orain an dabil burumakurka
bere etxetxoaren jiran,
onelakotan ikusten degu
egizko lagun zein diran.
Orain bi milla urte zitzaigun
Salbatzaillea etorri,
gurutze baten inguru-sailla
utzirik odolez gorri.
Ark eman zuen agindu ura
bai dala gogoangarri:
lurreko urte bakar auetan
lagun deiogun alkarri.
366
1 Oiartzunen eta ni emen
alkarrekin ezin goza,
gure ondoan gertatu baintz
izango genian poza;
berriro entzun nai bagenikek
laister ire kantu-otsa,
itxaropenik ez galdu iñoiz,
Manuel, jaso biotza!
Lenago beian ez intzan baiña
jasoa izan aiz gora,
i goraltzeko ta txalotzeko
artu genikan denbora.
Bein sartu intzan, zorionean,
euskaldun biotz-ondora,
Euskalerria irekin zegok,
egon indeke gustora!
Iñaki Eizmendi, Basarri.
La Voz de España, 1972-IX-26.
Príncipe de Viana, 1972-X.
Sortu zaizkidanak, Auspoa 112, 1973.
Auspoaren Sail Nagusia, 1992.