PDFa jaitsi - Euskaltzaindia

entzun dezute Mitxelenak zer
neregatik esan duan.
Gauza au garbi esplikatuta
emendik nai nuke juan:
vespa zar orren plazo aundiña
neronek pagatu nuan.
Onako au ere Uztapidek:
Gaur Mitxelenak diru-kontuan
jotzen dizkigu afanak,
orrelakorik eztadukagu
lanetik bizi geranak.
Baña nik oso tankera txarrak
daduzkat oni emanak:
bere atzetik nola dabiltzan
mugako jendarme danak.
Jakiña, saio artan bertso ederrak asko ziran.
Jendea zoratzen eduki zuten. Baiña
nik ez nuan besterik jaso. Bakarrik, Uztapideren
bertso baten bukaera onelaxe zan:
kotxea ere etzait kostako
onen motoa ainbeste.
Gero, era artako saioa egin ondoren,
puntutan asi ziran Mitxelena eta biak, eta
berriz ere leengo arira sartu. Nola garai artan
jende askok motoa zatika edo plazoetan
ordaintzekotan erosten zuten, Uztapide
plazo-kontuan sartu zitzaion, eta saio
artan jasotako aleak dira ondorengo auek.
Uzt.: Mitxelena vespa-rekin
ari da afanaz.
Mitx.: Ori ezta erosia
zuk dirua emanaz.
Uzt.: Ori traste txarra dala
asi nauk esanaz.
Mitx.: Zuretzat txarra bada
bakarrik juango naz.
Berriz plazara
362
Mitx.: Onek kotxia nai du
motorrikan ez tao
Uzt.: Aspaldian jan didazu
makiña bat pezta.
Mitx.: Zuk kontu asko baña
neria da vespa.
Uzt.: Laster kenduko dizute
piadoreik ezpa.
Uzt.: Oraintxe motor orrekin
aspertuta nago.
Mitx.: Ibili nai ez badezu
zure esku dago.
Uzt.: Tratuan bukatuta
nik askoz naiago.
Mitx.: Orduan ez etorri
nigana geiago.
Mitx.: Nere vespan ibili da
lau urte osuan.
Uzt.: Olako serbitzua
ona da auzuan.
Mitx.: Zerbait aitortutzeko
garaia bazuan.
Uzt.: Nigana ez etorri
urrengo plazuan.
Ordizia , 1963
Beste batean, Ordizian bertso-jaialdi bikain
bat jarri zuten, Basarri, Uztapide, Lasarte
eta Lazkao-Txiki ziralarik. Irrati-bidez
entzuten egon nintzan orduan, eta
oso bertso-saio ederra egin zutela aitortu
bear.
Laurak alkarren jarraian kantatzeko
agindua izan zuten, eta bakoitzaren gaia
onela zan: Basarri, beterritarra; Lasarte,
itxas-ertzekoa; Lazkao-Txiki, goierritarra;
eta Uztapide, Urola aldekoa. Bakoitza bere
gain, laurak jardun ziran; eta Uztapidek,
bere txanda iritxi zanean, ara nola kantatu
zuan: