PDFa jaitsi - Euskaltzaindia

Jornadaren bat ikatzakin zijoala, direzioa
palla tu eta arbola bat jo eta seko.
Su artu eta dana erre motorra, eta bera
erten egin izan bear zuan kabinatik. An
bukatu zan beintzat ura, ta zeruan gerta
dedilla.
Andrea seme batekin utzi zuan; aiek,
ama-semeak, an bizi dira orain ere, Mirandan.
Orain iru aizpa bizitzen dira lengo
pamelikoak, irurak esposatuta. Bat Frantzian
bizitzen da, eta bes te biak emen:
bat bere jaiotetxean, eta bestea nere andrea.
Irurak oso ondo konpontzen dira alkarrekin,
eta ni ere pozak egoten naiz,
ori ikusten dedanean. Etxeko asarrea
munduan dan gauzarik txarrena izango
da, eta baita pameli artekoa ere.
Nere andrearen bi aizpak Iraetako bi
anairekin esposatuta daude.
Emen, Laguntzarrenean, gustora bizi
giñan; ementxe iltzeko etsian jarrita
geunden.
Baña pabrika berria egin zuten emen
ere, eta lanean asi ziran, lenbiziko asi zanak
etzuan luzaro jarraitu baña. Makinaria
ona jarri zuan, eta etzan alperrik
eukitzeko jarria ura. Jakiña, eun kilorekin
ederki ibiltzen zan gizona zan ura,
baña karga geiegi artu zuan; gutxienez
berreun kilo artu zituan, eta ezin bizkarrean
eduki. Artzeko-zaleai utzi zien fabrika,
eta aldegin egin zuan.
Emen jiran lur-sail aundiak erosi zituan.
Orain ez datoz gaizki. Lenbiziko
nagusia Pinatxo zan; eta bigarrena. Sociedad
Anónima Ergoyen.
Berriz plazara
348
Eta orain Tor-edo Donostiko taller bat
etorri edo etortzen: batzuek etorri dira ta
bes tea k oraindik etortzekoak. Emen
obrak egin bear Tor-eko langilleak danak
sartuko badira. Irureun langille bai omen
dira.
Eta gure etxea ere bear zutela-ta, or
asi zitzaizkigun disimulu ederrean tentatzen.
Guk ezetz; gure etxea ez gendukala
saltzeko es anda bialtzen giñuzen,
ta puska baten etziran etortzen berriz.
Baña atzenerako garbi esan ziguten
gure etxea industrializatuta zeukatela
berak; eta, nai ta nai ez, saldu bearra gendukala,
eta berai gañera.
Nere artean:
-Au dek komeria, au! Oraintxe etxerik
gabe geldituko gaituk! Etxea gurea
genduan ustez, eta onekin ere ez degu
agintzen.
Garai batean esan baligute etxe onetatik
derrigorrean aterako giñuztela, ez
genduan bereala sinistuko; baña alaxe
da: azkenean etsi egin bear.
Etxea aientzat zala, ta berak nai zuten
prezioan, egia esateko. Papel bat egin
genduan eta firmatu genduan; bi urtean
egon giñezke etxe onetan geienez ere,
eta ordurako etxe berria egin bear.
Euskalerrian ez da gurekin bakarrik
gertatu gauza ori; beste askorekin ere
bai. Fabrikak dirala-ta, lengo basarria
galdu eta gero nolabaiteko etxe bat egin,
baña basarriaren itxurarik ez duana.
Guk ere egin bearko degu nolabaiteko
etxea oraintxe. Laste asteko asmoak
ditugu. Ura egiten degunean, ara aldatuko
gera, eta adios, gure basarria!