PDFa jaitsi - Euskaltzaindia

Manuel Olaizola "Uztapide"
Uztapide zenari
(Doiñua: "Sor-lekua utziz geroz ... ).
Berri trixte bat jakinik, sesitu nau ni bet-betan,
barneak ezin jasanez ha si bainaiz nigarretan.
Egun guzitako berriak jakin nahiz radiotan,
uste gabez entzun izan dut Oiartzune alde hortan.
Berri txarrak hartu behar onak balire bezala,
ezin sinetsiz nagoen Uztapide hila zela;
banakien aspaldixkoan hura gaixo zagoela,
iduri zuen arbol azkar bat ezin aurdikiz nihola ...
Pausa zaite, lo egizu, Manuel gizagaizoa,
asko lan egina duzu, paregabeko uso a;
zerbitzatu izan baituzu gur'Euskal-Herri osoa,
merexitu ere baituzu baitezpada deskantsoa.
Hegaldatzen zarelarik hortxet zeruetan barna,
zuri begira dagotzi zuretzat ziren lagunak:
Mattin ta Xalbadorrek tuzte hartu gakoak hor barna,
zorionean hartuko zauzte amultsuki beren gana ...
Uztapideren joaiteak mintzen du Eskual-Herria,
nigarretan familia, bai eta mundu guzia;
guzientzat sakrifikatu du bihotzaren erdia,
maitasunean ereman baitu bere munduko bizia.
Manuel gizagaizoa, zuri azken adiua,
mundu huntarik joaiteko jin zaitzu azken ordua;
bihotz handiko zerbitzu eile, denentzat gizon prestua,
betiereko, segur, ohgi izanen da jujatua.
385
Adixkidea
Herria, 1983-VII-7