PDFa jaitsi - Euskaltzaindia

Nik Gipuzkoa maitatuko det
iñoiz baño apaiñago,
ementxe bizi naiz ni ere ta
orretarakoxe nago;
geure aldea goratutzeko
edozein baño prestago,
udara aldean kosta dan baño
politagorik eztago.
Guztiak dira maitagarriak
Gipuzkoako eskiñak,
bañan Urola-errekak dauzka
intxaurrak eta gaztaiñak;
ni sortu nintzan Zestuak berriz
oso iturri bikaiñak,
orrek sendatu izandu ditu
danen gibeleko miñak.
Arbol, itxaso, zugaitz ta zelai,
Gipuzko bedeinkatua,
klase guztitik ikusten zaitut
ondo asko osatua.
Bañan ain seme txepelak gera,
au da gure pekatua,
beste penarik ez daukat ezer:
euskera atzeratua.
Guk e badegu gauz eder asko,
o Goierriko anaiak,
gure bitartez zuzentzen dira
toki askotako maiak;
gureak dira geientsuenak
maite ditugun artzaiak,
gure lurretik jaten baidira
arkumeak ta gaztaiak.
Beste konturik eztabilkigu
alkarrengana biltzian,
seme bezela jokatzen gera
Gipuzkoak beartzian;
lenago esan det gure tarteko
komeri danak zer zian,
txori guziak goxatzen dira
udaran plaia-ertzian.
Berriz plazara
276
Lau anai gera ta obe degu
alkarri esku ematia,
bertsolariak orretarako
badegu borondatia;
Gipuzkoa da jardin po lit bat
guztia lorez betia,
beste faltarik ez dauka onek:
txikitxua izatia.
Metroz erririk ez da neurtutzen,
o Uztapide prestua,
Goierri, Beterri ta itxaso,
eman alkarri eskua.
Danon artean osa dezagun
famili itxurazkua,
danen gañetik biar dezu zuk,
biotzeko Gipuzkua.
Intxaur ta gaztain ta arrai presko,
arkume, gazta ta abar,
oek batera bildu ezkero
zorion bikaiña dakar;
orregatikan lotu gaitezen, .
zertako ibilli bakar?
Alkartasuna indarra da ta
denok ar dezagun alkar.
Gure izketak ezer ez dute
alperrikan kentzekorik,
baño ez degu abildaderik
okerrak zuzentzekorik;
bat altxatzeko ez genduke nai
bajatu gañontzekorik,
baño munduak iñun ote du
Gipuzkoan antzekorik?
(1) Bertso auek Beasain festivo, año 1963 errebistatik
artuta daude.