PDFa jaitsi - Euskaltzaindia

Zure egunak ere ez ziren
izango oso errezak,
ondoren hoiek ekartzen ditu
munduan ondasun-ezak.
Guri bildurra ematen digu
garai hartako pobrezak,
baina batzutan ongi letorke
kentzeko gure lainezak.
Liburu hortan ez datorkigu
umiltasuna besterik,
haundinahi eta harrokeririk
ez pentsatu ikusterik.
Orri hoietan ez baizigun nahi
besterik erakusterik:
berez haundia danak ez dula
behin ere haundi usterik.
Berriz plazara
370
Osasunean zauden bitarte
liburu berria egin,
zure euskera garbi horretan
berriro ere hitzegin.
Gure artean zabaldutzeko
egingo dugu ahalegin,
zure oroitza maitagarria
sekula galdu ez dedin.
Eskabide hau egingo nuke
nere azken agurrean,
urteak azkar joaten dira
ta heriotza hurrean.
Zure irudi bat eukitzeko
geure begien aurrean,
monumentu bat jaso zaiogun
Euskal Herriko lurrean.
Izazpi
Jesus Mari Etxezarreta
Zumarraga / Deba.
Zeruko Argia, 1974-X-20.