PDFa jaitsi - Euskaltzaindia

Tolosako txapelketa
Milla bederatzireun da ogei ta amabostean
zan Tolosan bertsolarien
konkurtso edo eliminatoria bat izan zana.
Ni ere apuntatuta nengoan Azpeitira joateko,
eta nere kezkak banituan nik ere; eta
joan bear nuala pentsatu nuan Tolosara, ta
baita joan ere.
Abendua izango zan, ta igandeaCl).
Etxean bazkaldu ta jetxi nintzan Zestuara;
an Urolako trena artu ta Azpeitira joan nintzan.
An, Tolosara pelota-partidora joan bear
zutenak bazeuden korredore batzuek; eta,
ola, aiek tokia bazeukatela tasisean da piska
baten itxogiteko.
Aiek preparatu bitartean kape bat artu
nuan, eta noizbaiten azaldu ziran aiek ere.
Abitu giñan, da baita iritxi ere Tolosara.
Aiek "Goazen prontoira!" esan zidaten
neri korredore aiek, baña etzegoan orduan
Tolosako prontoian ni eramateko partidorik.
Nik bertsolariak ikusi bear nituan derrior,
da baita joan ere.
Bertsolariak batzokian ziran. Sarrera
nunbaitetik lortu nuan da sartu nintzan
batzoki ortara; eta alako batean bildu ziran
bertsolariak ere.
119
Ala, lenengo, ongi-etorria edo agur
bana berak nai zuten bezela kantatzea libre
zuten. Bina izango zan. Aiek etxean
pentsatuta eraman zitezkean. Danak illaran
ederki kantatu zuten.
Bederatzi bertsolari ziran: Txirrita ta
Saiburu, Txirritaren lengusua; Ibarrako
Ezeiza, lrurako Moxua ta Andoaingo Etxeberria:
oiek bost eta lau Asteasukoak: Ondartza
Bautista, Pantxo zarra, U gartemendia
eta Txapartegi.
Gero gaia obligatua zan, da Gabon edo
Olentzeroetako oiturak esan bear zituzten.
Aurreko urtean, Donostian, euskera edo
euskal gaia eman izan bear zuten, da batzuek
ura gogoan eta etxean pentsatutako
bertsoren batzuek igual eramango zituzten.
lrurako Moxua, beintzat, nabarmendu
zan. Arek etzuan Gabonik eta Olentzerorik
aitatu; Sabino Arana Goirirekin asi zan eta
ortan bukatu zan aren saioa. Baña arek ainbat
txalo irabazi zuanik, egun artan etzan
izan besterik; arek ainbat parra eragin zuanik
ere ez. Arek baño obekiago gaia erabilli
zutenak izango ziran, baña uraxe grazian
erori zana ano
Beste batzuek baziran: Lujanbio bat,
konparazio baterako. Onela kantatu zuan: