PDFa jaitsi - Euskaltzaindia

Berriz plazara
Basarri, U ztapide
eta Ernio mendia
Bertso auek ere pelikularako egiñak dira, Basarri eta Uztapideri eta Ernio mendiari,
eta argatik daude iru ta iru.
Emen ditugu bi bertsolari
Uztapide ta Basarri,
garai batean amaika bertso
boteak gera alkarri.
Ainbat urtean ibili giñan
izan ere erriz erri,
Euskalerriak badaki ondo
maixu aundi auen berri.
Amezketako erri maitean
egin nintzan auen lagun,
Jainkoak daki guk esateko
zenbat kontu zar daukagun.
Irurok alkar anai bezela
no la ix tima tu degun,
gizon auekin igaro det nik
amaika gustoko egun.
Mutil gaztea gertatu nintzan
ni laguntzaren bearrez,
bai alegindu ere laguntzen
auek ainbeste biderrez.
Kantatzen gendun pake gozoan
eta umore ederrez,
garai artako lagunarteak
etzaizkit aztuko errez.
368
Gure Ernio neguan ez da
goxoa eta epela,
gu an aritu giñan urtean
bazan elurra ta jela.
Kuxkur ibili giñan mendiko
abere danak bezela.
iñoiz pentsatu izan nuen nik
otzak ilko giñuzela.
Mendi altuak negu beltzean
gordelekurikan eztu,
ango bizitza zer zan ez leike
ikusi gabe siñistu.
Ekaitz eraso gogorrak iñoiz
artzen bagiñuzen estu,
txabola zar bat bagenduen da
ara oi giñan babestu.
Aize olatu ta arri jasak
txabola astintzen zuten,
ni bildurturik egon oi nintzan
alako otsak entzuten.
Amabi urterekin lanera
ara eraman ninduten,
ortik pentsatu gaztetan guri
zer erakutsi ziguten.
Manuel Lasarte,
Beranduko lanak,
Auspoaren Sail Nagusia 3, 1992.