PDFa jaitsi - Euskaltzaindia

Liz.: Oraindik ere ez nago
ziaro etsiya.
Nik kontseju ori det
zuk erakutsiya.
Arrazoi bat auxen zun
ondo mereziya.
Aurrerako bidia
daukagu itxiya.
Gaztiak aurrera ta
atzeraka zarrak.
Derrior gaude oraintxen
umildu biarrak.
Bajatzen asi dira
len giñun indarrak.
Uztapide zar onek
jotze' itu negarrak.
Baña saiatua zan
gaztia zanian.
Beti ez giñan egon
ziar etzanian.
Danak ezagun ditu
gaurko egunian.
Gutxitan egonian,
askotan lanian.
Lan asko egin degu,
geienak alperrik.
Len ere pasa dezu
eguna ederrik.
Uzt: Mundu oneri kasik
nik ez diot zorrik.
Aurrera ez daukazu
nekatu biarrik.
Liz.: Lan geiegi badegu,
eman bukaera.
Ordu laurden bat degu
gutxi gora-bera.
Neuk e billatzen nion
aspertu-tankera.
Agur da arratsaldian
azalduko gera.
Manuel Olaizola "Uztapide"
287
Bazkalondoan
Lendabiziko jakin zazute
zer galdetuko zaizuten,
atrebitua izan banintzan
len esan bear nizuten;
Santiagoko bertsuak zuek
biyar Altzolan entzuten,
jakin nai nuke saio ori artzia
zenbat ordaindu dezuten.
Berriro ere gauza ez dago
gaur emen galerazita,
ni arritzen naiz emen jaun batek
egin diguten bisita;
Altzolatikan juaten dira
an bertan ezin etsita,
sermoian ordez bertsuak igual
makina ori utzita.
Makina oni gorroto diot,
artu bear det makilla,
nere bertsuak orren barrenan
gutxienez daude milla.
Oraindik ere bai al zatozte
bertso geiagoren billa?
Gaurkua kunpli nezake baño
ontan bukatu dedilla.
Geiago ere egon litazke
gauza orri igarriyak,
baztar danetan ikusten ditut
aurreko aldian jarriyak;
tresna onekin gero kenduaz
iru-lautako erriyak,
mundu orretan baldin badabiltz
akabo bertsolariyak.
Badakizute nere laguna
beti dala jaun Andoni,
esaiozute tresna onekin
ez nabillela ondo ni;
nik nai nituzke nere bertsuak
beren tokian ipini,
mundu guzian zabaldutzerik
neri ez baitzait komeni.