PDFa jaitsi - Euskaltzaindia

dala-eta, ondoren datozen bertso auek kantatu
zizkion Lanberriri:
Aizu, Lanberri, zuri begira
auxe pentsatzen nengon da,
noizikan beingo parranda ori
gizonarentzako on da.
Gaiñera emen kendua dago
tabernetako erronda,
obe zenduke giro onekin
goiz arte bertan egonda.
Arriskutsu da gauez bakarrik
mendiz mendi juatia,
obe zenduke emen gurekin
gau guztian egotia.
Asarretuko balitzaizuke
etxekoandre maitia,
esan zaiozu: "Uztapide da
gauza onen kulpantia".
Iruditzen zait emen gurekin
zu geldituko zerala,
eta goizean etxera juan
eguna argitu ala.
Gauz orregatik etxekoandrea
ezta jarriko petrala,
nik pentsatzen det lenago ere
oitua egongo dala.
Kontu orrekin ixildu zaitez
aspergarria zaude ta,
pozikan egon bear zenduke
oso ederki gaude tao
Emen egitan mintzatutzeko
artu ezazu arreta,
gezurra esaten etzaitez jardun
ez degu sinisten eta.
Aiako Laurkiñen, 1961
Beste toki askotan bezelaxe, bein batean,
Aiako Laurkin auzoan gertatu ziran Uztapide
eta Mitxelena. San Mieletan iza ten
Manuel Olaizola "Uztapide"
361
dira bertako festak; baiña egunik aundiena
Ama Birjiña Errosariokoa ospatu izan
da beti auzo ortan; eta orduan ekarri oi zituzten
bertsolariak.
1960 urtea izango zala uste det. Eduki
nezake urte batzuen okerra; baiña ori da
gutxienekoa. Bertsolariak, eguerdi eta arratsalde,
bietan jardunak ziran; baiña nik
arratsaldekoa bakarrik entzuteko aukera
izan nuan.
Bertsotan asteko zeudela, euriak eraso
zion, eta Uztapideri bertsotarako gaia artatik
sortu zitzaion. Mitxelenaren motoan
edo vespa-n etorri baiziran biak, eta Uztapideri
euritan motoan etxera joan bearrak
bildurra ematen zion. Bertsotan ala adierazten
du beintzat.
Uztapidek:
Erririk erri nola ibiltzen
dan beti bertsolaria,
kontrariorik txarrena sarri
guretzako egualdia.
Motoa etxera joateko ta
gogor ari d u euria,
kotxe batek oraintxe neri
ematen dit inbiria.
Mitxelenak:
Lau urte ontan nik ibili det
motoa ondatzeraño,
pezta bat ere ez dit ordaindu
egia esan gaurdaño.
Orain kotxe bat billatu nairik
ari dun ainbat enpeño,
garestiago ertengo zaio
Mitxelenan vespa baño.
Uztapidek:
Moto auekin saltsan sartua
gaur arkitzen naiz damuan,