PDFa jaitsi - Euskaltzaindia

Bazan garaia! Asi goizean da zenbat bertso
bota ote zituan? Burutik nastutzeko
ere bada ori.
Dana dala, orain juradua puntuak sumatzera
joan da. Bitartean, gu antxe zai.
Berriz ere txapela neri uzten didate.
Bildur dira burua oztuko ote zaidan.
Lazkao-Txikik oraindik sasoia daukala
ta ez dute, neretzat ainbeste erruki,
orrentzat.
Beraz, Uztapidek lenbiziko saria; bigarrena,
Lazkao-Txikik; irugarrena, Xalbadorrek;
laugarrena, Mitxelenak; bostgarrena,
Mattiñek; seigarrena, Lopategik.
Ortík aurrerakoak ez dira izendatzen
zein zeiñen urrena diran, eta onenbesterekin
bukatzera noa; ta agur, Donosti!
Urte artan, eta aurrekoan ere bai, Salegitarrak
ekarri niñuten etxera. Aiek ere
alegiñak egiten zituzten neri txaloka, eta
ala ere danen bearra iza ten nuan. Oiek La
Guipuzcoana-ko nagusiak dira; kamion
asko dituzte oiek berenak. Irugarrenean,
Oiartzungo kontzejal batzuek ekarri niñuten,
eta eskerrik asko neri egin zizkidaten
mesedeakgatik.
Beste txapelketa bat 1967-an, Garagarrillaren
l1-n, izan zan, Anoeta-n, Donostiko
pelota-lekuan. Ongi betea gañera;
bat geiagorentzako lekurik etzan ano
Bertsolariak auetxek ziran: Mattin,
Lopategi, Gorrotxategi, Xalbador, Garmendia,
Arozamena, Mugartegi eta Madariaga.
Zepai ere juraduko maian an zegoan,
eta arek eman zion asiera bertso batekin.
Orain ordenan dauden bezelaxe egingo
dute, lenbizi Mattin dala, danak kantatu
arte. Kantatu dute agurra.
Orain puntu bana jarriko die Irigoienek
zortzi bertsolariai, eta erantzun dute
danak.
Manuel Olaizola "Uztapide"
313
Orain binaka asiko dira. Lenbizi, Mattin
da Lopategi. Bina puntu jartzen dizkie,
eta erantzun dute. Ora in alkarrekin
teman iruna bertso. Orain Lopategik iru
bertso berak bakarrik kantatuko ditu, eta
gero Mattinek gauza bera egingo duo
Ora in Lopategik, bertsoaren atzeneko
lau itzak emanda, bertso bat osatu bear
duo Mattinek gauza bera egiten duo Lopategik
eta Mattinek bukatu dute beren
saioa.
Orain Gorrotxategi eta Xalbador datoz,
eta lan bera egiten dute. Urrena Garmendia
ta Arozamena, ta gero Mugartegi
ta Madariaga.
Zortzi bertsolari oietatik iru pasa bear
ziran aurrera, eta oiek dira Lopategi, Xalbador
eta Gorrotxategi.
Arratsaldeko lenengo saioa Lazkao­
-Txiki, Lopategi, Gorrotxategi eta Xalbadoro
Zepai ere antxe zegoan eta egin
zuan lenengo agurra, ta bes te laurak ere
berdin agurtu zuten an zegoan jendea.
Lazkao-Txiki eta Lopategi asiko dira
orain.
Bina puntu txandan ematen dizkie,
eta erantzun dute. Opizioak emanda alkarrekin
teman beste iruna bertso, biak
txandan; berealaxe osatu zituzten. Orain
Lazkao-Txikik iru bertso basarri uts batí,
eta oso ederrak kantatu ditu. Lopategik
bes te orrenbeste egin bear du beste gai
batekin, eta kantatu ditu. Orain, saioa
bukatzeko, bertso bana biak, atzeneko
lau itzak emanda, eta ederki osatu dituzte.
Gorrotxategi eta Xalbadorrek lan bera
egiten dute, eta orrekin arratsaldeko lenengo
saioa bukatzen da.
Orain lau bertsolariak lan bera egin
bear dute. Lenengo, Lazkao-Txiki emen
gelditu eta beste irurak kartzela moduko
orretara era mango dituzte.