PDFa jaitsi - Euskaltzaindia

entzule onak atentziua
dakizute idukitzen,
nai dan guzian orrelakuak
ez dirade egokitzen.
Kortatxok:
Bertsuarekin amets egiñaz
ibilli gera gau ta egun,
juan ezkero saiatu gabe
ez naiz geldituko iñun;
uste ez dala gerta liteke
bat memoritikan illun,
Urrategin lenbiziko aldiz
ia portatutzen degun.
Cero bazkaldu eta arratsaldean bes te
saioa egin, eta andikan libre giñala esan ziguten.
Arratsaldean, bertsotan ere lasaiago
jardun genduan, eta obekiago egin ere bai.
Coiza beti izan da neretzat tristea bertsotarako.
An gaba ere aurrera zijoan da abitu bear
etxera. Kortatxori lagundu bear nion lenbizi,
eta etorri gera Azkoitiko Egurbidera
ta jo ditugu an ateak. Kortatxok bazuan an
amistade piskaren bat neskatxaren batekin,
da sartu gera. Ta iru neskatxa an, bata
baño bes tea ederragoak.
Kontuak esa ten asi giñan; kafea ere berotu
ziguten, eta or jo digute gabeko amabiak,
akordatu baño len. Etxera abitu bearko
genduala ta despeditu giñan neskatxa
oiekin.
Abitu gera Izarraitzko bid e gorria artuta,
eta Marikutzko putzura arte ez det
uste itzik egin genduanik. Ordu bete baño
geiagoko bidea zan, da pentsatu gu nola
etorriko giñan, ala gobernatuta itzik ez egiteko.
Denbora bateko sutako lagatza baño
aldapaago zan bid e ura. Etorri bearko ixilik!
Marikutzko putzura igo genduanean,
piska batean itxogin genduan; baña Ana-
Berriz plazara
110
txaban gogoan neukan eta mogitu egin
bear, ta Kortatxorekin partitu nintzan bide­
-kurutzean. Etzan luzaro egon bearrik partieran
ere. Artean ere beste ordu beteko bidea
bazegoan gure etxera.
Andik etxera nentorrela, Arrate sakonean
ari ziran Albitzuriko Jose Mari ta Zelailuzeko
Jeronimo ikazkintzan, eta ikatz
ateratzen ari ziran.
-Kaixo, mutillak! Egun ona Jaungoikoak
dizuela! -esan nioten nik.
-Bai zuri ere! -aiek erantzuna-. Anatxaban
etziok urrean ...
-Ez, motell! Naiago nikek euria egingo
balu, zerbait baño! -esan da aurrera.
Artean ere beste ordu erdi bat baneukan.
Etxera allegatu naiz, ba, alako batean.
Eguna argitzen asia zan, da euri-bruma asten
zuan.
Oiaren gañean etzan nintzan, baña
Anatxaban gogoan neukan, da ala ez nuan
lorik egiten. Da laneko arropak jantzi nituan
eta martxa egin nuan.
Nere beste lagunak ere an ziran, ba,
bezperan Urrategin: Antzorreiko bi anaiak
eta Indo-iturri; baña aiek jaian Lasaora etorriak
ziran Urrategitik. An ederki deskantsatu
ta goizean bertatik bertara basora
joan ziran aiek.
Nik, berriz, bi ordu ta erdi baneuzkan
etxetik basora; baña danak pasa eta antxe
presentatu nintzan ni ere.
Orduantxe ari ziran zerra-tokia egiten
batzuek, eta beste bat gosaria preparatzen.
Orrelaxen, "Kaixo, motillak!" nik; eta
"Ongi etorri!" erantzun zuten aiek.
Etzan iñoiz aña itzegin bearrik. Egun
artan eguardia arrapatu genduan eta bale!
Bazkaldu eta siesta egin, eta berriz parranda
egiteko moduan. Baña astea an pasatzeko
etsian egoten giñan.