PDFa jaitsi - Euskaltzaindia

E MEZORTZI urte nituan da morroi joan
nintzan baserri batera: Olaberri.
Igande-goiz baten Arruara mezetara
joan nintzan, eta antxe Olaberriko nagusia
ere, ta izketan asi giñan.
-Morroia kuñadua daukagu ta oraintxe
gabe geratu bear diagu -esan zidan.
-Morroirik gabe zuen etxean ez da, ba,
atsegin izango.
-Ez! Derrior nunbaitetik bear diagu, eta
etzekiat nundik asi.
-Morroiak orain ez dira nolanai billatzen,
lotua gelditzen da morroia ere ta.
-Bai; oraingo mutillak, jaian-da ere, libre
nai izaten ditek; eta gurean, berriz, ganadu-pilla
galanta ziok, eta an etziok jairik.
Ik ere sasoi ederra daukak, ba! Ez al dek
pentsatzen orrelakorik?
-Ez dakit, ba! Gure etxean pasa ere
egingo lirake ni gabe ere; ta, konpondu ezkero,
Joxe Manuel, joan ere igual egingo
nintzake.
-Konpondu? Zenbat bear deken esan
zak beintzat, eta ikusiko diagu.
-Ez dakit, ba, nik: milla pezeta nai nituzke,
ta mirabeak bear dituan erropak.
-Motell, ez dek, ba, ori ere beste munduko
gauza, eta proba tu egin bearko diagu!
Olaberri
59
Oso errez konpondu giñan. Urtea etzan
izango pasatzen ain erreza; baña, dana
dala, tratua egiña zegoan.
Amaiketako piska bat egin genduan alkarrekin,
da etxera joan giñan. Asteartean
joateko esan zidan, eta bai joan ere. Sega pikatzen
bai al nekian da galdera batzuek
egin zizkidan. Nik baietz erantzun nion,
ez nengoan artean asko oitua baña, gurean
aita aritzen zan da. Ikusten nituan nik
ango belar-eremuak eta "Ikasteko ere ez
dek egongo or bertan leku txarra!" nere artean.
Gure etxetik bistan zegoan, ba. Olaberri.
Olaberri baserri ona zan len, ni an izan
nintzanean; da orain obea, berriz,
Ez da malda aundirik; ganaduarekin
nunai ibiltzeko modukoa, uztartuta alegia,
garo-sailletan da danean. Etxe-buelta ederra
ta lasaia, ganadu gazteak-eta lasai askatutzeko
modukoa. Ezta, zenbait lekutan
bezela, beldurrak ibilli bearrik.
Baso-kontuan, berriz, oso aberatsa: lizarra
ta olakoa, dana bertan sortzen zan;
da makala ta panpano ta orrelakoak, berriz,
lurrean jartzea palta iza ten zan; ango
erreka-aldeetan sua bezin aguro etorriko
ziran.
Zituan terreno guztietan, etzan arri bat
bakarrik agiri; dana lurra. Ainbeste aun-