PDFa jaitsi - Euskaltzaindia

B ERRIRO ere badu Euskalerriak Uzta-·
pideren itza entzuteko aukera. Egun
batez pentsa zitekeen betiko isildua zela,
baina ez da ala gertatu. Bein eta berriz erasotzen
dio bere bakardadetik igarle zaar
batek bezela.
Leengo liburua ez-ustekoa izan zen.
Uztapidek liburua egin zuela otsa zabaldu
zanean, mundu guziak bertsozkoa izango
zela pentsatu zuen, eta itz--lauzkoa etorri
zen. Oraingoan ez du orrelako deskuidorik
izango. Au, Uztapideren izenari dagokion
bezelakoa da: bertsozkoa.
Bati baino geiagori leengoa gogoratueraziko
dio zenbait alditan. An itz-Iauz aitatutako
zenbait pertsona, erri eta gertakizun,
berriro agertzen baita emen bertsotan.
Zepai zenak bazuen an bere kapituloa
eta emen ere badu bertso sail bat. Getariak
bazuen an eta emen ere bai. Familia
an agertzen zen eta emen ere bai. Ala ere
irakurleak ez du esango gauza bera direnik
ura eta au. Beti berriak ez badira ere
esaten dituenak eta inoiz gauza bera badira
ere, arako Zepaik eta biak oe berean lo
egiten omen zuten ura bezela, forma eta
arrazoiketa berriak ikusiko ditu irakurleak.
Beraz ura irakurri zuenak ez dezala
pentsa au alperrik duenik.
Dakizunez, irakurle, Sasoia joan da
gero jarri dio izena liburuari gure Uztapi-
Itzaurrea
9
dek. Berak dionez, «gorputzean indarra
ondo dagoenean, burua ere obeki egoten
da»; eta garai bateko sasoi ederra joanda
dagoela entzungo diozu bein baino geiagotan
liburuan zear. «Bat ori -dio berak-.
Bestea, ori baino ere okerragoa: gaixo
txarra pasata nago orain dala ia lau urte.
Perlesia pasa nuen burutik, eta burua ark
oso moteldu zidan lenaz gañera». Beraz,
«sasoia joan da gero» emandako fruitua
dugu gure Uztapideren au.
Bestalde, «ni ez naiz bertso-jartzallea»
aitortzen digu. «Bat-bateko bertsolaria»
omen da bera. Bigarren au ez zedukan
esan bearrik Euskalerriari. Ori ondo ikusia
zeukan bertsozaleak. Amaika gozatu
artu du aspaldiko urtetan Uztapideren
kontura. Eta beste ori? Egia ote da «bertso-jartzallea»
ez dela gure zestuarra?
Barka, Manuel, baina deskuido ederra
badaukazu ortan, «arritzekoa» ere ez da-ta,
zeorrek diozun bezela. Nik ez det zure bertso
idatzitako askorik irakurri. Ez det uste
askorik idatzi dezunik ere. Baina baditut
batzuk irakurriak, eta ni oso deskuidatua
ez banago -«arritzekoa ez litzake izango»-,
zu bertso-jartzalle ona zera. Gogoan al dituzu
zure leenengo liburuxkan, Noizbait
izeneko artan, Zestuan egin zizuten omenaldiaz
jarri zenituen aiek? Dozena batetik
gora badira eta zuk an agertzen dezun eskua
egun artako atze-aurre guziak punta-