PDFa jaitsi - Euskaltzaindia

Cauza zan arte millaka bertso
euskal plazetan boteak,
argatik zeuzkan beti zabalik
Euskalerriko ateak.
Etzigun ainbat galera egin
ondoezik egoteak,
iru liburu eder or daude
bere doaiez beteak.
Egintza onak utzi dizkigu,
oiek ez dira joango,
lan eder oiek ez ote dute
beren frutua emango?
Bertsotan onak ez datozenik
ez det iñolaz esango,
baiña utsune ori betetzen
ez da erreza izango.
Manuel Olaizola "Uztapide"
387
Bere illetak ospatu ziran
eliza bete-betean,
amazazpi apaiz meza eskeintzen
aldare santu batean,
bertsolariak malko jario
agur itzak esatean;
askok gogoan izango degu
bizirik degun artean.
Azken agurra egin genion
bizi geran lur gaiñean,
geroztik amets asko egin det
sinistatu eziñean.
Orain atseden artu dezala
zeru zabal urdiñean,
ta sendiari laguntzen diot
atsekabe samiñean.
Martzelino Manterola
Oiartzun
El Diario Vasco, 1983-VI. 28 eta 29.
Lore apal bat, Auspoa 166, 1983.