PDFa jaitsi - Euskaltzaindia

ASKOK esan izan didate neri, edo
obeto esateko esan izan zidaten,
bertso batzuek jarri bear nituzkeala; gerorako
etzala ezer gelditzen; danak aizeak
eramaten zituala gure bertsoak.
Baña ni ezin nintzan onetara jarri. Batetik,
naikoa lana genduan. Astean bi edo
iru saio bertsotan egin bear iza ten giñuzen.
Bertsotik leporaño egiñak egoten giñan.
Eta bestetik, berriz, bertsotan erriz erri
ibiltzeko mesede aundirik zegoanik ez
nuan pentsatu izan, papeletan bertso asko
jarrita.
Badakizu zergatik esaten dedan au? Papeletan
bein jartzen dezun bertsoa ez da
zurea. Bertso ura danak buruz ikasiko dute
eta kantatu egingo dizute gañera. Zuk ura
plaza batean berriz kantatuko bazendu, berealaxe
esango luke jendeak:
-Ori bertso zarra da, onelako garaitan
papelean jarria!
Eta ez daukazu, bein papelean jarritako
bertsoa, geiago plaza batean kantatzerik,
motibo orretxengatik.
Orregatik, ez da komeni, plazan ibili
bear duan bertsolariak, bertso asko jartzea
papeletan. Au nere iduripena da. Baliteke
ni deskuidatuta egotea, Arritzekoa ez litzake
izango.
Liburuaren lanak
15
Bein papeletan jarritako bertsoak saldu
egiten dira gañera jeneralean. Orregatikan
ez dira zureak. Ez dezu eskubiderik geiago
aiekin dirua irabazteko.
Augatik edo origatik, nik bertsoak jartze
ori gerorako utzia neukan. Ez dakit edo
nagia naizelako edo zergatik, baña beti gerorako
utzi, errezena utzitzen iza ten da-tao
Cero, oso bertso onak jarriko nituan
itxaropenik ere ez neukan, eta no la asi?
Bat-bateko bertsoak piska bat moldatu
arren, papelean bertsoak jartzeak bere lanak
baditu. Ori an gelditzen da betiko. Plazan
kantatzen diran bertsoak, len esan deguna,
aizeak eramaten ditu, berriz.
Orregatikan, neri beti bildur gutxiago
eman dit plaza batean kantatzeak, bertsoak
papelean jartzeak baño.
Atzenean ausartu naiz bertsoak papelean
jartzera ere. Baña berandutxo izango
dala esango nuke, orain.
Burua asko moteldua daukat. Ori neuk
ikusten det, eta beste guztiak nik baño lenago
ikusten dute gauza ori; eta baliteke
nik uste baño ere asko geiago atzeratuta
egotea buruz.
Burua onena nuanean ere, miraririk ezin
nezakean egin. Ni ez naiz bertso-jartzallea,
bat-bateko bertsolaria baizik. Nik alegiñak
egingo ditut, eta neri geiago eskatzea alperrik
da.