PDFa jaitsi - Euskaltzaindia

Zubeltzuren omenaldian ere izan giñan.
Milla bederatzireun da berrogei ta
emeretzian, Garagarrillaren amalauan,
Itziarren izan zan omenaldi ori. Ni aren
laguna izan, berriz, eta joan gabe ezin
gelditu.
Artean ere gizon ederra zegoan Zubeltzu.
Irurogei ta bi urte zituan orduan,
eta bere musu gorriarekin Luistarren lendakaria
zan denbora artan. Omenaldia
ere Luistarrak egin ziotela uste det.
Gizon on bat da Zubeltzu gizarajoa.
Itziarren danak maite zuten, eta guk ere
bai. Arekin artu-emanik izan duten guziak
gogoratuko dira Zubeltzurekin. Gizon
gozoa da Zubeltzu.
Itziarko omenaldi artan, artean ere
bertsotan ederki egiten zuan. Txapel
zana ere an zan; eta, bazkaltzeko denboran,
egin zuan Zubeltzuk ere bertsotan
Txapelekin. Len ere egiña zan ura
bertsotan bein baño geiagotan.
Nik ere bertso bat gogoan daukat
oraindik, Zubeltzuren omenaldian kantatua.
Onelaxe zan gutxi gora-bera:
Jose Antonio nere laguna,
ia gogoratzen zazun:
ni Olaberrin morroi negoen,
zu bizi ziñan Zubeltzun;
zuk sorotikan bertsua bota,
nik bestetikan erantzun,
nik dakizkiten ederren oiek
zuri ikasi nizkizun.
Lasturren ere bai; San Nikolasetan
iza ten giñan. Au ere Debako baIlara da.
Elorriagan ere izan naiz bi edo iru aldiz.
Or batean Lopategirekin eta bestean
Imanol Lazkanorekin; ez dakit bes te
zenbaitekin izan naizen edo ez. Au ere
Debako baIlara da.
Berriz plazara
266
Zumaian ere izan gera San Telmo egunean.
Baten beintzat Jose Lisasorekin eta
beste batean Basarrirekin; ez dakit zer
pesta izango zan, baña pelota-Iekuan gogoan
daukat Basarrirekin jardun nuala.
Oikian ere izaten giñan. San Bartolometan
iza ten dira ango pestak. Basarrirekin
izanda nago gerra aurretik; gero,
berriz, Mitxelenarekin, eta Lasarterekin
ere bai.
Meagasko gañean ere bai; San Isidro
egunean uste det izan giñala. Jose Lizaso
eta biok izan giñan ano
Aizarnazabalen ere izan gera. Gerra
aurretik Txapel zanarekin izan nintzan,
eta geroztik Lasarterekin ere bai. Arruako
don Juan Txikia genduan gai jartzen.
Beste bein, berriz, Lopategirekin izan
nintzan apari batean.
Arrua-beian Karmenetan izaten dira
jaiak. Egun ori Uztaillaren amaseia da.
An ere izan naiz Basarrirekin, Lasarterekin,
Jose Lizasorekin eta Urangarekin.
Au Zestuako baIlara da.
Iraetan ere bai, Santa Inesetan; an ere
izanda nago. Basarrirekin lenbiziko aldiz,
eta gero Lazkao-Txikirekin. Au ere
Zestuako baIlara da.
Ibañarrietan ere izan naiz urte batean,
Asteasuko Lamitegirekin. Au ere Zestuako
ballara da.
Aizarnan ere bai; Ama Birjiña Agoztukoetan
ango jaiak, eta Basarrirekin, Azpillagarekin,
Lazkao-Txikirekin eta Lasarterekin,
oiekin danakin izan naiz
Aizarnan. Au ere Zestuako baIlara da.
Lasaon ere izan giñan egun baten. Ez
dakit zein egunetan egiten diran an pestak.
Au ere Zestuako baIlara da.
Loiolan ere izan gera. Arozamenarekin
izan nintzan an, da ez dakit zein egunetan
izan giñan. Au Azpeitiko partean