PDFa jaitsi - Euskaltzaindia

Uztapide, berlsolari eskolatua
Danak Basarriren eskola zala eta ez dakit
zer aritu oi diran esaten. Eskolaz Uztapide
ez zan Basarri baiño motzagoa, e?
Zergatik ezikan Uztapide, amairu urterekin,
Arabara eskolara joan eta ibilitakoa
zan edo izan bear zuen. Bestea, berriz,
amabi urterekin eskola utzitakoa. Ora in,
Basarrik irakurtzeko afizio aundia izan eta
egiten zuela.
Guretzat ere ortxe egongo ziran liburu
galantak, baiña alperrik.
Kultura maillan ari. Eta matematiketan?
Egurrak neurtzeko kubikatzeketan eta
orrela asi izketan eta arek Basarriri berrogei
ta amar buelta emango zizkion.
Erriak pentsatzen zuen bezin ezjakiña ez
zan Uztapide. Eta Basarri ere ez, erriak
ematen zion bolumen ura jakintsuan. Gaur
neri iruditzen zait edozeiñek daukala arek
zuen baiño geiago. Batetik eziketa, eta gero
ikaragarrizko praktika ...
Orain, bi aiek osatzen zutena bikote izugarria
zala, bai. Ondo osatzen ziranak. Eta
ez dakit aien itzala ... Gaur badira egundaño
izan diran onenak daudela diotenak.
Neretzako, ez.
Nik errespetatzen ditut. Bale. Baiña nik
dakit aien bertsoak oraindik kantatu egiten
dirala. Belarriz iritxitako bertsoak, e? Ez
paperetik ikasitakoak.
Orain iñor ere barruntatzen al dezu Egañarenak
kantatzen? Eta Sebastianenak kantatzen?
Orduko aldea n txapel pilla galanta
egingo dute. Leen ez ziran orain aiña
zinta eta disko. Aienak gustoz belarrian
gelditzen ziran.
Nik mutil koskorretan aditutakoak,
oraindik ere tartean-tartean akordatzen
zaizkit. Baiña bein alkarrekin ara eta onera
asi giñanetik, kito!
Berriz plazara
330
Aizarnako ateraldia
Esate baterako, bein Aizarnan kantatu
zuten, luistarren eguna zala eta. Artean Basarri
ez nuen ezagutzen, egia esan. Oiñez
joan nintzan Azpeititik, Santa Engrazitik
barrena.
An zegoen Basarri. Baita alkate eta erretore
eta abar. Baiña Uztapide falta. Bateonbatek
usaia ekarri zuen Uztapide Iraetan
zegoela joan daneko bi orduetan. Motorzaleren
batek joan eta ekarri izango zuen.
Basarri zai zegoen. Ura izaten zan garai
artan aurrena egin bearreko saioa: meza
ondorengoa. Asi ziran eta, atze-aurrera batzuen
ondoren, Basarri orrek:
Jakingo nuke: gana-jatenak
egiten egon al zera?
Uztapidek "onen esanei ez kasorik egin"
eta antzekoak kantatu zituen, eta gero:
Lanean ez da kontserbatutzen
olako gizon trasterik,
gaur ere ez zuan onek egingo
jeiki ta etorri besterik.
Zenbat orrelako ateraldi! Ora in, berriz,
zuk bukatzen dezun bertsoaren oiñarekin
asi eta segi. Baiña non utzi duen bertsoa?
Aztarrenik ere ez. Leenengo puntuan eman
duen arrazoia izango zan bertsoa pentsatu
eta kito. Ori ez da guk ikasi genuen bertsotea.
Gure bertsotea ez zan orrela. Eta
nik egia esango dizut: ni ez naiz asiko ia larogei
urterekin praktika berriz ikasten.
Landetako etxean
Landetara joan giñanean bizitzera, an
bizi zan andoaindar bat. Roke-edo, bertsoa