PDFa jaitsi - Euskaltzaindia

Donostiko Konportan
MILLA bederatzireun da ogei ta amazazpian,
Donostiko Zerbezerian
asi nintzan lanean, Cervezas El León esaten
zaion fabrika ortan.
Lenbizi Zepai sartu zan or, fabrika ortan.
Anaia or zebillen Zepaik, eta aren bidez
sartu zan; da, itxura danez, gustora zebillen.
Neri ere abisoa pasa zidan: joan nai
banuan, lana iritxiko nuala; an orduan bazegoala
eta laste joateko, astea pentsatzen
banuan.
Andik urrengo ostegunean, trena artu
ta joan egin nintzan. Zepai anaiaren etxean
zegoan jaten, da araxe joan nintzan lenengo.
Taberna zan etxe ori, Konporta esaten
zitzaiona.
An sartu nintzan, taberna artan, da Zepai
ta anaia, biak lanean ziran; Zepairen
anaiaren andrea billatu nuan etxean. Esan
nion zer asmorekin joan nintzan, eta segituan
preparatu zan etxeko andre ori: berak
lagunduko zidala.
Illoba bat bazeukan neskame, eta ura
utzi zuan taberna-zai. Ta andre ori ta biok
joan giñan, eta enkargatua, Martzelino, billatu
genduan antxé, enbotelladoran-edo
lanean ari ziranai kargu egiten.
Ari ere esan genion, ba, zer asmo eraman
nuan, eta egongo zala nagusiarekin
esan zidan; berak etzuala agintzen; baña
143
ezagun egiten nintzala; gañera, langilleak
palta zirala.
Ala, piska bat erakutsi zigun enbotelladora-alde
ura; eta lanerako abisoaren esperantzan
agurtu genduan gure Martzelino
ori, ta atzera Konportara etorri giñan
etxeko andrea eta biok.
Gero, etxeko nagusia eta Zepai ere etorri
ziran lanetik, bi anaiak, eta gaba an pasa
genduan. Zepairen anaia ere ez nuan aspaldi
artan ikusi eta denbora errez pasa
genduan. Gaba motza edo ez dakit zer pasatzen
zan; guri akordatu gabe joan zitzaigun
beintzat. Apaldu ta bertsotan asi
giñan, eta gu akordatu ordurako pasa zan
gaba.
Goizean trena artu eta Zestuara joan
nintzan, eta andik etxera.
Ostegunean nintzan or lana eskatzen;
ostiralean Martzelinok nagusiari esan, da
abisatzeko segituan; eta larunbatean abisoa
artuta nengoan, nai nuanean lanera
etortzeko.
Igandea ta astelena etxean pasa ta asteartean
joan nintzan lanera. Goiza bidean
galdu nuan, eta arratsaldean lanera.
Enbotelladoran jarri ninduten lanean.
Lan erreza ta garbia zan angoa, ta gustora
an jarri nindutenean. Botellak garbitu ta
bete ta txapak jarri egiten zuan makina