PDFa jaitsi - Euskaltzaindia

Dakidan piska eman nai nuke
perretxikuaren berri,
apiziua banuen eta
billa ibilli naiz sarri;
mendian dago osasuna ta
zerbait jateko ekarri,
lagunak asko baldin badakar
ni ez naiz utsik etorri.
Apirillian ziza zuriak
jaiotzen dira aurrena,
perretxikutan nik ezagutzen
detan klaserik onena;
usaitik ere ezagutzen da
alakoxe nabarmena,
asi berrian kiloak milla
pezeta egiten duena.
Pago azpian jaiotzen da au
muzker koloreko gaiña,
bein probatutzen baldin badezu
perretxiku-klase piña;
pama aundia du orrek emen,
jan litekena gordiña.
txit ezaguna Euskalerrian,
izena gibelurdiña.
Arrazoi gabe nere ustetan
ez det aterako itza,
nik beti perretxiku tartian
damakit nere bizitza;
oneri ere gustatzen zaizko
pagoa eta aritza,
gaiña moria daukana eta
deitzen zaiona urritza.
Oiez gaiñera beste klase bat
daukagu ziza oria,
oso aundia ez da ori baiña
perretxiku ugaria;
iñoiz lur-gaiña estalirikan
ikusten da pagadia,
eta eskertzen jakin bear da
orrelako janaria.
Berriz plazara
90
Len ere izena esan dizutet
batena baño geiona,
ondo beltza da beste bat emen
oso perretxiku ona;
emengo klase onenari' re
ezer zorrik ez diona,
ikusitzen dan lekuan beti
txapela erazten zaiona.
Nik perretxiku batzun izenak
esan dizkizut lenago,
ondo zuria izenekua
beste bat ere badago;
ortatik ere pilla ederrak
iñoiz ekarria nago,
baña aukeran jarri ezkero
nik ondo beltza naiago.
Kuletuak e badira baña
ez dira izaten ugari,
imporru zuri baten bilduta
jaio izandu da ori;
eta mordoskan ateratzen da,
zer poza biltzalleari!
Jeneralian gaztaiñadian
gustatzen zaio berari.
Nik perretxiku biltzen igaro
ditut sarritan egunak,
amaika aldiz pozak txoratzen
etxetik erten da junak;
batzuek perretxiku geiago
badituzte ezagunak,
klase auetxek bakarrak dira
guk jan izan ditugunak.
Beste batzuek ere badira
emen bildutzen samurrak,
onak da txarrak danerakuak
ematen baiditu lurrak;
egia garbi esa ten det nik,
zertako esan gezurrak?
Zartuagatik gu gaude beti
benenatzeko bildurrak.