PDFa jaitsi - Euskaltzaindia

Uztapide, Basarri, Azpillaga
ta Lizaso Tolosan, 1962-111-18-an
(Gai-jartzaille: Fernando Artola, Bordari)
Bertso auek Martin Garmendia apaiz
jaunari zor dizkiogu. Milla esker.
Aldi ontan, eta besteetan ere berdin, ez
ditugu bertsolari guzien bertsoak jartzen,
Uztapiderenak eta onekin batera kantatu
zutenenak baizik.
Abetxek egun alaiak eta
abek egun pozgarriyak:
ainbeste anai-arreba emen
guri entzuteko jarriyak!
Gaur ase naiko ditugu bada
zuen bertso-egarriyak,
Jainkuak egun on dizutela,
entzule maitagarriyak.
Bordari: Nik ez dakit noiztikan, bañan
gure Mañuel Uztapidek bizio txarra artua
du: jokuren batera-edo azaldu da, ta apustuan
dirua galdu duo Eta or dago korapilloa
ta nasbidea! Emazteari nola esan? Bi
bertsotan aski du berak orain moldatzea.
Moldatuko al degu nolabait
ematen badute beta,
orrek dionez nere sortzetik
jokalariya naiz-eta;
ustez ni manejatuagatik
makiñatxo bat aldeta,
263
dirua galdu; egiya da, bai,
jokua eztala errenta.
Emaztiari zer esan nion
moldatuko det berela;
badakizute estusun txarra
pasa bearko nuela;
baña etxera nijualarik
pentsatu nuen onela,
ala esan nion: karterista oiek
ostu egin zidatela.
Bordari: Orain binaka ariko dira. Alde
batetik, Basarri eta Uztapide; bestetik,
Lizaso ta Azpillaga. Gazteok, Lizaso ta
Azpillaga, txoferrak dira, kamioi aundi
bat artuta bid e zabalean edo estuetan
dabiltzan txoferrak; Basarri ta Uztapide,
berriz, baserritarrak, itzaiak. Alkarren
berri badakite ta kanta ditzatela bakoitzak
bina bertso:
Berriro asiko dira
gaur bertsuak dantzan,
olako zerbait festa
Tolosan biar zan;
Azpillaga, egon zaite
entzun-esperantzan:
txofertzan baño naio
det askoz itzantzan.