PDFa jaitsi - Euskaltzaindia

-Bai; oraintxe egin dira ta berealaxe
jarriko dizkizut!
Kazuela oiek papelarekin ederki bilduta-ta
jarri omen zizkaten, da an dijoa
gure Pedro Errero ori txitxi baño kontentuago.
Ugaldetxoan, Txipiton-edo, bai omen
zegoan sagardoa saltzen, eta an sartu
omen da:
-Arratsalde on Jaungoikoak dizuela!
-Bai zuri ere! -esan omen zioten an
zeudenak.
-Emen, mutillak, jana naikoa!
Jarri omen zan an zegoan mai baten,
eta:
-Etorri onera, nai duana, jatera!
Laster bildu omen zan jendea naikoa,
ta ustu omen zituzten ango kazuelak sekulakorik
azkarren.
Beste odolki-zaleak joan omen ziran
gero bostetan kazuelen billa, eta:
-Pronto al dira edo zer da?
-Zer gero?
-Zera: kazuelak.
-Pedro Errerok eraman ditu -esan
omen zion etxeko andreak.
-Jarri zazu beste zerbait! Orrek eraman
baditu, ez da aiekin probetxurik,
eta on egin daiola!
Berriz etxean zegoanetik jarri zerbait
eta preparatu omen zan gizona Aldakora
joateko. Aiek ziran gizonak, alkarri
orrelakoak egin eta ez aserretzeko! Orain
ez dago alako gizonik. Oraingo gizonak
utsarekin minberatzen gera.
Frontoira ere izan omen zuten joaten
ziran bolara, Pedro ta bere lagunak. Piska
baten ibilli omen ziran artan ere, eta
irabazian omen zegoan frontoitik eta
utzitzea pentsatu omen zuan.
Manuel Olaizola "Uztapide"
331
Terreno txiki bat erosi omen zuan,
soro koskor bat, eta Moderno jarri omen
zion izena. Moderno frontoian izaten
omen ziran, da an irabazitako diruakin
erosi omen zuan soroa.
Beste baten, terreroan sariketa bat
omen zegoan Ernanin. Joan omen dira
Oiartzundik talde bat: Ezkertarrak, eta
gure aitagiarreba, eta Pedro ori ere bai.
Geiago ere bai omen ziran; talde aundia
beintzat.
Izenak eman omen dituzte, eta asi
omen ziran tiratzen. Danak segiran izango
ziran, izenak ala emango zituzten da.
Pedro orrek atzena tira bear zuala, eta
besteak tira omen zuten, da ura atzenerako.
Tira omen du eta erdirago ez omen
zegoan jotzerik; bete-betean erdiko beltzean
jo omen zuan.
Palta ziranak tira arte egon omen ziran,
eta bestek ez omen zuan arek bezin
erdian jo.
An dagoan txapa biribil ura txapeldunarentzat
izaten da, ta or eman diote
Pedro Errerori. Gozoa jarri omen zan.
Artu omen du bizkarrean eta Oiartzuna.
Emen bazan bes te gizon bat, zerbait
aitatzea merezi zuana: don Antonio Valverde.
Oiartzunen bertakoa etzan, baña
Errenterikoa edo orrela izan bear zuan.
Emen, Oiartzunen, etxea zeukan arek.
Asko maite zuan gañera Oiartzun. Oiartzunengatik
itzegiten asten bazan, etzan
bereala aspertuko ura.
Gizon aundia zan, baña txikiakin ere
bazekian tratatzen. Arentzat etzan gizon
txikirik; danak berdiñak ziran arentzat
gizonak.
Txarrik iñor etzuana zan ura. Edozeñengatik
itzegiten asten zala ere, etzion