PDFa jaitsi - Euskaltzaindia

11 Vme koskorrak juaten ziran
ta gurasuak ere bai,
auzokoren bat ezkondutzian
danak artuko zuten jai;
beren tarteko senideren bat
utziko zuten etxe zai,
bi egun oitan beren lanakin
etzuten ezer jakin nai.
12 Gezurrak ere badirudite
eztaietako esanak,
egun bat lagun eta geiago
sarritan gaude izanak;
janaren paltik etzan iza ten
eta sobratu eranak,
bapo moldatzen ziran orduan
aruntz juaten ziranak.
13 Soñua jotzen ari zana're
etzan ixiltzen orduan,
dantzan askorik etzekitenak
asiko ziran saltuan;
beste mai-puntan aitonak berriz
bertsotan edo kantuan,
danak zeukaten libertsiua
eztaitara juandakuan.
14 Gau erdi aldia etorriko zan
eta nekatu samarrak,
ordu oietan jotzen giñuzen
erretiratu bearrak;
bestela urrengo egunerako
egoten ziran lan txarrak,
bakoitzak beren etxietara
juango ziraden zarrak.
15 Zarrak juango ziran etxera,
bertan gelditu gaztiak,
pena ematen baizigun guri
broma eder ura uztiak;
batzuk batere etzan gabe ta
sapaian lotan bestiak,
da biaramon goizian berriz
antxe gosaltzen guztiak.
Manuel Olaizola "Uztapide"
71
Ostiralian berriro ere
asiko gendun eguna:
«Ai zer nolako lagun-artia
igaro bear deguna!»
Auzoak edo pamelikoak
dana jende ezaguna,
gosaltzen berriz jango genduan
an ekarritzen ziguna.
Goizetik oi da illun-aldia
eztaien bigarrenian,
gosaldutzian atzera berriz
sasoirik ederrenian:
«Len bezelako tristurarikan
ez daukagu barrenian,
goizeko gure goibel-aldia
pasa da okerrenian!»
Len esandako trikiti ori
asten zan gosal onduan,
ta an zeguan gazte jendia
dantzan aguro orduan;
egun oriek zartuta ere
izaten dira goguan,
orain ederki ikusten degu
zartutzian zer daguan.
Gaztetan pasa diran egunak
gogoratutzen zartzian:
nola ez baizan ezeren paltik
eztaiak ziran etxian,
une gozuak pasatzen giñun
juaten giñan bakoitzian;
negar-malkuak etortzen dira
gauza ortaz oroitzian.
Juaterakuan poza eztaiak,
etxerakuan serio,
urrengo eguna lanian pasa
bear degula merio:
«Etxe onetan bi egun pasa
ditugu millonario,
gabon pasa tu, etxekuak, da
beste bat arte ario!».