PDFa jaitsi - Euskaltzaindia

tu zan bere lagunarekin; eta an ikusi zuan
len berarekin bertsotan askotan jardundako
bat, beste iru bertsolari afizionaturekin
jo ta autsi ari zala bertsotan.
Afizionatu oiek dexente egiten zuten bertsotan
gaztetan; eta, lau lagun diranean,
txanda irixterako zerbait pentsatu ere bai,
gai bera bada lauak kanta bearrekoak; eta
aiek irurak baten aurka edo broman arituko
ziran.
Ala, saioa bukatu zutenean, alkar agurtu
eta, pixka bat apartatu ziranean, bertsotan
ari zan lagun zarrak Uztapideri:
-Gu onelaxe jarduten gaituk. Zer iruditu
zaik?
Eta Manuelek:
-Barka nazak; baiña emen nik entzun ditudanekin
auxe ikusi diat: iri asko aztu
zaik edo, bestela, iru gazte oiek ikaragarri
ikasi ditek.
Eta biak egiak. Baiña aurrenekoari aaztea
zuzenean. Izan ere, pixka bat utzi ezkero,
bertsotea oso lan sorgiña da. Errez
kantatzea zailla; eta, pixka bat zaartu ezkero,
zaillagoa edo oso zailla, naiz maleziaren
indarrez zerbait egin. Bertsotan ere
sarri jardun bear da.
* * *
Apari ondorengo bertso-saio luze batean,
ainbeste gai pasatu ta gero, egitazko gai
bat etorri zan. Izan ere, eiztari-itxura xelebreko
bat bazegoan antxe bertan, eta egi
edo gezur-otsak izan ziran. Nik uste egia
izango zala, eta etzan aurrenekoa izango,
eta ezta ere azkenekoa.
Eiztariak eiz-txakurrak oso maiteak izan
arren, oillagorra paratuta daukan txakurra
nekez joko du, oillagorra altxatu ta gero
tiratuko diolako; baiña aurreraxeago, garo
tartean dagoan edo dabillen beste txakurren
bat jotzea ez da aurrenekoa; ezta bes-
Manuel Olaizola "Uztapide"
401
te eiztariren bat jotzea eta iltzea ere. Zoritxarrez,
urtero iza ten da bakarren bat.
Eiztari xelebre onek ere txakurrik onena
il zuala eta or asi dira bertsolariak; eta bestea,
ura nundik edo zeiñengandik jakin ote
zuten, erderazko orazioak egiñez, eta an
ziran angoak.
Bertsolari batek onela bukatu zuan:
Zuk errezena egin zenduan:
bitan aundiña jotzea.
Eta Uztapidek ondoren onela bukatu
zuan:
Egia da onek etzula egin
apuntatutzen lanikan,
baiña ez pentsa aundia jotzen
beti erreza danikan.
* * *
Uztapide eta beste bertsolari batzuk Segurako
Txoritegi elkartean ari ziran bertsotan,
edo ari giñan. Aparia eta aren ondorengo
bertso-saioak ziran, eta giro
aparta zegoan, ondo janda. Eta zer edana
eta zer errea etzan falta. Tabako-usai puska
bat egongo zan, gu danok puruak errez
ari giñalako; eta entzuleak ere, geienak berdintsu,
ondo betea bazegoan ere gure elkartea,
eta ordu txikiak dexente luzatzen
asiak ziran ordurako, beste askotan bezela.
Baiña danok pozik, olako apalondoak
bizi izan ez dituan batek ulertzeko baiño
obeto.
Batek ontan ala kantatu zuan zortziko
txikian, ala ari giñan da: aurreko gauean
ere berandu erretiratu zala Eibartik, bertsotara
joanda; eta orduan ere illargia izkutatu
eta eguzkia laixter azalduko zala,
eta orrelakoak.
Eta Uztapidek: