PDFa jaitsi - Euskaltzaindia

Lizaso:
Ni ere egin bearrian naiz
nere ongi etorriak,
pozaren pozez egin ditugu
gaurko ibili aldiak.
Leku askotan baldin balira
au bezelako erriak,
oaindik amasa seguru luke
euskera maitagarriak.
Lasarte:
Pozikan gera, anai-arrebak,
geure lanari ekinda,
ixilik egoten zailla baita
egin bear dala jakinda.
Barrua lasai jarriko zaigu
gauzak garbi itzeginda,
berrizko ere joan nai genduke
zuen gustoa eginda.
Uztapide:
Pozaren pozez etorria naiz
ta esango dizutet nundik:
bertsuetara Elgoibarrera
propio ni Oiartzundik.
Erri au beti serbitu nai det
al baldin badet iñundik,
ikusitzen da jatorra dala
erri maite au oraindik.
Lizaso:
Zuen aurrera agertu gera
biotza zabal degula;
lan piskaren bat ein ber danean
ain da jenio mardula!
Ikusten degu amona bat e
orain urbildu zaigula,
amonatxo au nabarmendu da
bertsoak maite ditula.
Manuel Olaizola "Uztapide"
445
Lasarte:
Amonarentzat, Lizaso maite,
dituzu egundoko famak,
seme-alabak ondo ikusi nai
ditu familiko amak.
Iruna bertso jarri dituzte
emen goiz-parteko lanak,
arratsaldean bota bearko
orain sobratzen diranak.
Uztapide:
Lasarte, ixilduko bagerade
asi bear zan lenago,
zu lanerako gogoz zaudenik
iñork ez luke esango.
Asko kantatzen baldin badegu
eztegu ondo emango,
baiña beste bat kantatu arren
kastiguik ezta izango.
Lizaso:
Gere ustetan ari giñan gu
jendian kontsolagarri,
baiña luzegi ai ote geran
Lasarte onek igarri.
Seguru nago entzulen batzuk
geldiko ziran egarri,
zer kontatua izango da ta
arratsaldian etorri.
Ondoren, bazkari-legea herriko Baltasar
bazkunean egin zuten bertsolariek, bertsozale
jende askorekin batera.
Eta bazkalondoan, bertsoa bertsoaren
ondoren kantatu zuten.
Tartean, Jerman Uriguen Etxagiña ere
han azaldu zen, Manuel Lasarteren gonbitari
erantzunez.