PDFa jaitsi - Euskaltzaindia

duantxe egin zuala esango genduan
geok; baña zerbait pasa zan ano
Juezen erabakia onela izan zan: Mattin
txapeldun; ni, Uztapide, bigarren;
Basarri, irugarren; laugarren, Etxahun;
bostgarren, Lasarte; seigarren, Lizaso;
zazpigarren, Xanpun; zortzigarren, Errexill;
bederatzigarren, Lexoti; eta amargarren,
Mitxelena. Era ontan izan zan
ango erabakia. Sarako trinketean zan txapelketa
au.
Beste batean Donibane-Garazin izan
zan beste txapelketa bat. Ara ere joan giñan
Basarri ta ni biok.
An ere bagiñan amairu bertsolari edo
zerbait ere, juntatu giñanak; eta an ere
egin genduan gure bertso-saioa.
Baña an ez nuan eduki oso egun ona
ere: Basarri txapeldun, Xalbador bigarren,
Mattin irugarren, laugarren Zubikoa
eta bostgarren ni, Uztapide.
Beñere ez naiz olain atzean gelditu
oraindik txapelketa baten; baña neronek
antz eman nion gaizki egon nintzana, eta
beste baterako esperantzan etxeratu giñan.
Beste batean Baigorrira joan giñan: iru
bertsolari, mugaz emengoak, iru mugaz
arunzkoen kontra jokatu bear zala, eta berrogei
ta amar milla franko zeudela; nagusitzen
zan taldeak ogei ta amar milla
franko; eta galtzen zuanak, ogei.
Gu, emendik, Lizaso eta Lasarte eta ni
Uztapidek osatzen genduan taldea joan
giñan; eta andik, berriz, Xalbador eta
Mattin eta Zubikoak osatzen zuten taldea
atera zan; eta ala jokatu ere egin genduan.
Ez genduan esperantza aundirik eraman
aruntz; baña guk irabazi genduan
edo guri irabazitzat eman ziguten. Beñere
ez det alako pozik artu oraindik ber-
Manuel Olaizola "Uztapide"
301
tsotan eginda, an irabazi genduanean
baño. Beren etxera joan da irabazte orrek,
beti iza ten du alako poz bat.
Gero berriz emen jokatu bear zan; Billabonan
egokitu zan jokatzea, eta berriz
ere guri eman ziguten irabazitzat. Igande
arratsalde batean jokatu genduan
emengoa.
Aiek beren automobillakin etorriak
ziran orduan, Paullturnier-edo, Sarako
alkatea, eta orrelako batzuk. Amasan
bazkaldu ta egun-pasa ederra egiña zuten.
Baña oso ondo portatu ziranik ez
det uste billabonatarrak; nik alako moduko
kontuak aditu nizkien berai. Dana
dala, orretan bukatu zan orduko gure
eguna.
Parisen ere izan giñan bertsotan. Milla
ta bederatzireun da berrogei ta emezortzian,
da Loreillaren emezortzian,
izan zan Parisko au; baña ortarako Urruñan
egin genduan lenbizi eliminatoria­
-moduko bat.
Au Apirillaren lauan izan zan, Urruñako
au. Irungo olerkari bati, Basurko
zanari, omenaldi bat egin zitzaion; eta,
bide batez, Parisera joan bear zuten lau
bertsolariak aukeratu.
Jai-aldi bikaña egin zan. Lenbizi meza
nagusia, ta elizkizun ederrak egiten dira
an, mugaz arunztik. Elizako kantuak ere
danak jakiten dituzte an; danak egiten
zuten an kantuan.
Orain emen ere, euskeraz meza ematen
asi ziran ezkero, geiago jarraitzen
zaio mezari; baña an lenago ere bai. Gustoa
ematen zuan ango elizkizunetara joateak:
erri guztia kantuan.
Meza nagusia eman zuan Urruñako
bikarioak, Etxeberri jaunak; sermoia, berriz,
Aita Larzabalek, Zokoako bikarioak,
eta ederki goratu zituan Basurkok