PDFa jaitsi - Euskaltzaindia

ain oñaze illun eta tristea
ta iñoiz bukatzen eztana.
Jesusen Biotzaren Deia, 1961,
10 zenbakia, 25-26 orrialdeak.
Bilboko Capitol antzokian izandako jaialdiko
beste saio bat dakar. Oraingo hau Narbartek
eta Uztapidek egin zutena: Narbarte,
txapelik erabiltzen ez duena; eta Uztapide,
txapel-zalea.
Narbartek:
Txapelik gabe dabil Narbarte
bere denbora guztian,
eta Uztapide neure igual
ikusitzen dut aurrian.
Oitura danak galdu ditula
ia nago igerrian,
arritutzen naiz onek txapela
nola utzi dun etxian.
Uztapidek:
Narbarte, erantzun bear nizuke
lengo oitura zarrian:
etxetik txapelakin nentorren
ta patxada ederrian.
Edukazio piska bat nola
dagon Bizkaiko lurrian,
kendu egin det emen jartzeko
jende jatorren aurrian.
Narbartek:
Txapel aundia ibil zendula
nik emendik esanikan,
kendu duala aitortu digu
jende aundiagatikan.
Nik berriz etxetikan onara
etorria naiz utsikan,
bate buruan ez naukan eta
ez nun kendutzen lanikan.
Manuel Olaizola "Uztapide"
405
Uztapidek:
Jende aurrian ez nioke nai
esan nik itz zatarrikan,
baiña gaia ala aginduta
gaur nerekin alperrikan.
Narbarte jaunak txapel kontuan
beti dabil buru-utsikan,
buru ariña duanak ez du
bate txapel bearrikan.
Narbartek:
Onek esan tu gaurko onetan
paragarrizko kontuak,
buru ariña nonbait badauka
Andres Goizuetakuak.
Txapel aundi bat ibillitzen du,
ala dirudi, tontuak;
aren barrenen kabitzen dira
Uztapiden talentuak.
Uztapidek:
Gaur Uztapide asko pozten du
toki ontako txalo-otsak,
auetxek dira bertsolariak
artutzen ditugun pozak.
Txapel on bat e gaur kostatzen da
dendara joan da sosak,
baiñan alare jantzi bear nik
bestela ilko nau otzak.
Narbartek:
Zure atzetik prisaka nabil,
urruti beti zoaz zu;
ai, Uztapide, seguru nago,
zu zaute bertsotan maisu.
Esan bearrik bat ere ez daukat,
zeorrek sobra badakizu:
etxekua're emango dizut
lengua eskas badezu.