PDFa jaitsi - Euskaltzaindia

Ni nintzanik ere etzekiten an zegoan
jendeak, eta lanik zaillena egin nuan: publikoa
nereganatu. Andik aurrerakoa erraza
izan zan. Berria nintzan eta, esa ten dan
bezela, nobedadea.
Etzan besteak nik baño gutxiago egin
zutelako, baizik jendea nere alde jarri zan,
da ni baño geiago ziran an entzuten zeudenak.
Nerekin bakarrik ez det ikusi nik
ori; geiagorekin ere gertatu izan da orrenbeste.
Txirritak gerraren gaian eman zuan bertso
bat, eta arek ere jendea asko mogitu
zuan. Au, bertso au, ez dakienik ez da asko
izango, baña jarri egingo det:
Zenbat errezo egin detan nik
nere denboran elizan,
ta ala ere kontentuz nago
nola pakian gabiltzan;
ni naizen baño kobardiagorik
iñor ez liteke izan,
semiak gerra ez juatiarren
mutilzar gelditu nitzan.
Iriartek onela kantatu zuan agurra:
Ni ere ager bear naiz
bertsolari berria,
barkatu bear nuzue,
ez naiz arrigarria;
gazte-gaztetandik maite dut
neronek Euskalerria,
guztiok maite dezagun
gure aberria.
Zepaik ere sasoi gogorra zeukan orduan,
eta arek ere bota zituan bereak. Opizioak
emanda Txirrita ta biak jarri zituztenean,
ederki jardun ziran: bat uztargillea
eta bestea itzaia.
Guk ez genduan suerte aundirik izan.
Bi-bitako orretan Txirritak eta Zepaik egin
Berriz plazara
128
zuten lenbizi; gero, Txapel eta Andoaingo
Etxeberriak; eta irugarren bikotea Dargaitz
eta Iriarte. Gu iru gelditu giñan azkenerako:
Harriet, Lujanbio eta ni.
lru ez da numero ona bertsotan egiteko,
batetik; eta, bestetik, Harrieti ez genion
ongi konprenitzen guk orduan. Arrezkero
bai; jardun asko egin degu ango bertsolariakin,
eta orain dana konprenitzen diegu.
Dana dala, beintzat, egin genduan saio
ori ere: bat sagardozalea, bestea ardozalea,
ta bes tea oiek biak saltzen. Saltzen zegoanak
pamatuko zituan edariak; eta edaten zutenak,
berriz, ain onak ere etzirala ta olaxe.
Puntuak jarrita ere egin genduan beste
saio bat. Baditut gogoan bertso batzuek
oietatik ere.
Basarrik:
Zer modutan zabiltza,
kaixo, Uztapide?
Uztapidek:
Beiñ etorri bear da
etorri naiz ni're;
Donosti ontan badet
amaika adixkide,
argatik jartzen dute
oinbeste izbide.
Basarrik:
Gustatutzen al zaizu
zuri bixiua?
Txirritak:
Gaur jan bat egiteko
badet desiua;
asko gustatutzen zait
arrai-klasi ua,
ardo zarra eran da
a zer pasiua!