PDFa jaitsi - Euskaltzaindia

ederrak, bertso mamitsuak eta bertso sakonak
ziran aiek.
Nik nere baitan esan nuan:
-Zer da gizon au, ordea?
Danak "gaur Manuel Lasartek zutik
irauten badu, galanki egingo dik!" esaten
ari giñan garaian, bota egin bear dira
bertso oiek!
Bertso oien bukaeran, ez dakit zutik
nola gelditu zan Leitzako pelota-lekua,
ango txalo-zaparradarekin.
Jendeak maitetasuna azaldu zuan an,
Manuel Lasartek merezi bezelaxe; eta
txalotu ere bai, plaza-gizon aundi bat
bezelaxe.
Makiña bat begi-ondo busti ziran an
une artan. Etzan gutxiagotarako, izan
ere.
Manuel plaza-gizona dala, danok dakigu.
Zenbat aldiz, osasunarekin ere nolabait
eta bertsotarako gogo aundirik
gabe atera ote da etxetik? Baña beti bere
lan bat egin arek, joaten zan lekuan.
Ni neroni asko ibilia naiz Manuel Lasarterekin,
eta pixka bat badakit bere berri.
Makiña bat plazetan txalo jo diote
gustora.
Ni neroni ere pozik ibiltzen nintzan
berarekin. Neretzako gizon ona da; gizon
serioa ta errespetokoa; gizon apala
ta atsegiña; itz batean esateko, gizon
osoa.
Orain jendea irrikitzen dago liburu
au ikusteko. Au ikusitakoan esango dezute
ez dala Manuel Lasarte plaza-gizona
bakarrik; baita liburu ederra ere
egin duala, liburu zoragarria.
Berriz plazara
234
Ezin zitekean gelditu au argitaratu
gabe. Gaur euskerak daramakien gainberakoarekin,
ez dago Euskalerriari eskeintza
oberik egiterik.
Zuk, berriz, euskeraz ondo dakizu,
Manuel. Leitzan ere ondo egiten da euskeraz,
da Aian zer esanik ez.
Liburu au irakurri ta ulertu edo konprendituko
ez duanik, ez da iñor izango;
eta au emen geldituko da, zu mundutik
joaten zeranean ere.
Gizonak bizia motza degu, baña liburuak
ez dira beñere iltzen. Au beti
zuri ospea ematen ariko da. Makiña batek
kantatuko ditu liburu onetatik bertsoak.
Au da zu zer bertsolari izan zeran,
beti, aspertu gabe, esa ten ariko dana.
Zuk testigu bat utzitzen dezu, zu joaten
zeranerako.
Eta bakarra ez dedilla izan. Oneri beste
lagun bat ere ongi etorriko litzaioke,
eta astiro-astiro asi egin bear beste bat
egiten.
Erosi ta asi liburu au irakurtzen, eta
esango dezu, irakurle, ez dirala Leitzako
aiek bakarrik; emen, liburu onetan,
geiago ere badirala bertso ederrak, danak
banan-banako bertsoak dira-ta.
Nik Lasarterengatik asko itzegin nezake,
baña ixildu egin bearko det. Liburu
au ez da nik edertzekoa, ta liburuak
itzaurrea motza bear duala esan oi da,
ondo egiña izanda ere. Nik, berriz, ezin
nezake ondo egin, lendabiziko aldia det­
-eta.
Barkatu, Manuel, nere ausardia.
(1) 1975-I1I-2.