Descarga en formato PDF (3,8 MB) - Centro Ramón Piñeiro para a ...

Limiar
sen condicionamentos ideolóxicos (entre eles, os glotopolíticos, que tanta relevancia
tiveron e teñen aínda no noso ámbito cultural). As ausencias ou os erros de
clasificación que se poidan detectar serán sempre froito da nosa ignorancia e non
debidos a exclusións ou avaliacións motivadas por algunha outra razón. Como
director da bilega, creo poder asegurar que en ningunha outra bibliografía sobre
a lingua galega das ata agora publicadas se puxo tanto empeño en evitar este tipo
de exclusións que, por desgraza, aínda se exercen en nome de criterios científicoacadémicos,
no mellor dos casos.
Non é posible lembrar aquí as moitas persoas coas que estamos en débeda por
facilitarnos información ou materiais que contribuíron a resolver algún dos moitos
problemas bibliográficos que xorden a cotío ou por participaren directamente na
construción da base de datos. Merecen especial mención as bolseiras que, xunto
cos autores deste caderno, traballaron previamente na bilega: María Teresa Araujo
García, Inés Diz Gamallo, Eva Domínguez Noya, Susana García Rodríguez, María
Teresa Monteagudo Cabaleiro e Pilar Vázquez Grandas. Nestas páxinas perduran
aínda bastantes pegadas do seu labor e, persoalmente, manteño unha viva lembranza
dos devezos con que asumimos o desenvolvemento inicial da bilega e
do Corpus de Referencia do Galego Actual (corga). Tamén quero testemuñar o meu
agradecemento a Meike Lippert, da Universidade de Tréveris, e a Paulo Malvar
Fernández, que traballaron como colaboradores externos na elaboración dalgunhas
sinopses. Grazas aos administrativos do crpih e aos sucesivos responsables da
biblioteca do Centro, sempre coa mellor disposición para tramitaren as nosas solicitudes
e localizaren os traballos que precisabamos consultar. A Guillermo Rojo
débolle non só a confianza e constante alento, senón tamén a súa xenerosidade por
estar sempre disposto a compartir comigo os seus moitos saberes de informática;
el é o responsable dos programas que serviron para xerar os índices deste caderno.
Por último, a miña gratitude para Xavier Varela Barreiro, Xesús Ferro Ruibal, Luís
Alonso Girgado e Marisol López Martínez, por saberen estimar a contribución á
difusión e ao estudo do idioma galego que trata de facer a bilega e animarme a
perseverar no seu desenvolvemento.
Francisco García Gondar
Nadal de 2006
Bibliografía analítica da lingua galega (2004) 11