Descarga en formato PDF (3,8 MB) - Centro Ramón Piñeiro para a ...

Traballos xerais e obras de consulta
Vid. tamén as entradas 229, 304, 357, 458-1, 568.
153 A lingüística galega do século XX
75. Álvarez Blanco, Rosario: “A gramática galega”, en Henrique Monteagudo e Xan M.
Bouzada (coords.), O proceso de normalización do idioma galego, III: Elaboración e difusión da
lingua, Santiago de Compostela, Consello da Cultura Galega, Sección de Lingua, [2003]:131-
163 (= Colección Base). | [Ed. facs. en liña n.v.]: [2004], , [Formato: PDF], [Consulta: 13/07/2004].
1. investigación | 2. ámb. galego | 4. c
Revisa o estado da investigación lingüística sobre o galego desenvolvida en Galicia a partir de 1980,
deixando fóra os estudos lexicográficos e a didáctica da lingua. No primeiro apdo. (“O estado dos estudos
gramaticais ao final da década dos 70”, p. 133-142) faise un percorrido polos estudos anteriores a
1980: os do séc. XIX e principios do XX -en xeral de escaso valor filolóxico-, os da época de posguerra,
os elaborados a partir de mediados da década de 1960 -como a Gramática elemental del gallego común
(1966, vid. BILEGA 2135) de Ricardo Carballo Calero ou a Gramática gallega (1967, vid. BILEGA 946) de
Leandro Carré Alvarellos- e os de autoría de lingüistas e filólogos con formación universitaria feitos a
partir da creación da Cátedra de Lingua e Literatura Galegas e o Instituto da Lingua Galega. O segundo
apdo. (“Evolución da produción lingüística posterior a 1980”, p. 142-163), que aborda o tema principal
do artigo, aparece subdividido en cinco partes: 1) “Os tres esteos: galego ‘vivo’, tradición medieval e
lingua de autor” (p. 146-149), que fai referencia aos traballos continuadores en boa parte dos de épocas
anteriores, pero agora cunha maior formación por parte dos estudosos; 2) “A gramática descritiva” (p.
149-156), con traballos sobre fonética, fonoloxía, morfoloxía e sintaxe; 3) “A gramática prescriptiva” (p.
156-158), ligada ao proceso de estandarización da lingua; 4) “A gramática comparada” (p. 158-160),
basicamente coas linguas románicas, que permite que falantes doutras linguas se acheguen á galega;
5) “A variación e o cambio lingüístico” (p. 160-163), en que se repasan os traballos que analizan a lingua
desde un punto de vista diatópico, diastrático e/ou diafásico.
76-1. González Seoane, Ernesto: “A lexicografía galega moderna”, en Henrique Monteagudo e
Xan M. Bouzada (coords.), O proceso de normalización do idioma galego, III: Elaboración e difusión
da lingua, Santiago de Compostela, Consello da Cultura Galega, Sección de Lingua, [2003]:165-
227 (= Colección Base). | [Ed. facs. en liña n.v.]: [2004], , [Formato: PDF], [Consulta: 13/07/2004].
1. investigación | 2. ámb. galego | 4. c
O autor céntrase na lexicografía contemporánea, despois de dedicarlle un apdo. (“O herdo lexicográfico
galego nos primeiros anos 80”, p. 166-174) aos traballos anteriores a 1980, que se caracterizan en
xeral por seren dicionarios bilingües co castelán como lingua de contraste, por marxinalizar o léxico
coincidente co español, por depender desta lingua no que respecta ao léxico culto, por teren unha
orientación descritiva, por prestarlles moita atención aos textos literarios, por seren na gran maioría
de carácter individual e por estaren realizados por lexicógrafos non profesionais. En “A lexicografía
Bibliografía analítica da lingua galega (2004) 65