Descarga en formato PDF (3,8 MB) - Centro Ramón Piñeiro para a ...

Contido e organización da bibliografía
O repertorio de 273 temas que empregamos para a clasificación dos traballos
é unha versión simplificada do correspondente tesauro da bilega, que consta dun
total de 543 entradas. Utilizarmos este último implicaría presentar moitas seccións
temáticas sen ningunha entrada, o cal xulgamos que non tiña sentido. Por outra
banda, cando a un traballo se lle asignou máis dun tema, os datos completos do
mesmo aparecen só na sección correspondente ao primeiro tema, mentres que nas
demais seccións só se dá a referencia numérica que o identifica.
A información de cada entrada aparece organizada do seguinte xeito:
— Datos bibliográficos: autor(es), titulo(s), edición(s).
— Caracterización do traballo segundo os parámetros de tipo, ámbito, enfoque,
periodo(s) estudado(s), variedade(s) estudada(s).
— Sinopse.
— Recensións.
Procuramos que a información ofrecida sexa o máis completa posible e que
os datos propiamente bibliográficos resulten transparentes, razón pola que é frecuente
que nos datos de edición recorramos ao emprego de corchetes para incluír
elementos que non aparecen no orixinal. A información bibliográfica amosa un
grao de detalle intermedio entre a que acostuma a aparecer nunha ficha catalográfica
e a que habitualmente se atopa nas citas de traballos académicos, xeralmente
máis concisa. Entre os aspectos que pensamos que poden resultar menos comprensibles,
salientamos estes dous:
a) Coa inclusión da abreviatura facs. nas edicións en liña queremos indicar que
a paxinación do texto publicado na Internet coincide coa do texto impreso previamente,
polo que a edición dixital se pode interpretar como unha edición facsímile.
É unha información que coidamos útil para aquelas persoas que necesiten botar
man dunha cita tirada dalgúns deses traballos, pois poderán facelo identificando a
referencia na edición dixital como se estivesen a consultar a edición impresa.
b) Cando unha recensión ou nota de publicación dun traballo forma parte
dunha recensión máis ampla, fanse constar primeiro as páxinas desta última e logo,
entre corchetes, as páxinas específicas dedicadas ao traballo en cuestión, sempre
que foi posible a consulta do texto.
Para as edicións en liña tratamos de ofrecer os mesmos elementos de cita que
para as edicións impresas (lugar de edición, editorial ou institución editora, ano e
páxinas), engadindo o nome do portal (de habelo), o enderezo web, a indicación
14 Bibliografía analítica da lingua galega (2004)