Descarga en formato PDF (3,8 MB) - Centro Ramón Piñeiro para a ...

Lingüística histórica e crítica textual
O autor sinala as anotacións en galego aparecidas nun documento do séc. XVII conservado no ACSantiago.
Trátase de cinco pequenos fragmentos que son testemuña do galego nunha época en que as
pegadas son escasas. Segundo o estudoso, estas notas en galego son obra de Martín Bravo e outros
escribas que o rodean.
548. Tavani, Giuseppe / Lorenzo, Ramón: Unha Provenza hispánica: A Galicia medieval, forxa
da poesía lírica peninsular: Discurso lido o día 22 de maio de 2004, no acto da súa recepción
como académico de honra, polo Excelentísimo Señor Don Giuseppe Tavani e resposta do Excelentísimo
Señor Don Ramón Lorenzo, [A Coruña], Real Academia Galega, 2004, 27 p.
1. investigación | 2. ámb. galego | 3. diacrónico | 4. m
Ofrece diversas consideracións sobre a lírica medieval galego-portuguesa. A transmisión desta tradición
en códices producidos fóra de Galicia influíu na copia da obra de autores galegos, pois os textos
sufriron unha adaptación portuguesizante tanto desde o punto de vista gráfico, como lingüístico, co
cambio de formas arcaicas ou propiamente galegas por lusismos e neoloxismos. Algúns trazos escaparían
a estas substitucións, aparecendo hoxe nos códices B e V (por exemplo, as formas pronominais
che, cha, cho e formas verbais exclusivamente galegas como fige / figi, quige / quigi, poide / puide);
moitas destas formas aparecen mesmo en composicións de autores de orixe portuguesa ou castelá. A
partir destes datos, a hipótese formulada por Giuseppe Tavani é que a lingua da lírica medieval era o
galego e non o galego-portugués (por iso considera esta expresión unha imprecisión terminolóxica).
Por outro lado, sinala que a lírica galega ten unha orixe autónoma non condicionada pola provenzal,
que só exercería a súa influencia a partir de finais do séc. XII ou inicios do XIII, mediante a introdución
de novos xéneros. A publicación complétase coa contestación de Ramón Lorenzo ao discurso de Giuseppe
Tavani (p. 21-27), en que se ofrecen datos biobibliográficos do profesor italiano e se salienta a
relevancia da súa contribución ao coñecemento da lírica medieval.
Vid. tamén as entradas 28, 357, 380, 452, 457-1, 457-2, 487, 523, 530, 531, 532.
64 Historia interna do galego
641 Cambios fonéticos e fonolóxicos
549. Colina, Sonia: “Intervocalic Velar Nasals in Galician”, en Julie Auger, J. Clancy Clements
e Barbara Vance (eds.), Contemporary Approaches to Romance Linguistics: Selected Papers from
the 33rd Linguistic Symposium on Romance Languages (LSRL) (Bloomington, Indiana, April
2003), Amsterdam / Philadelphia, PA, John Benjamins, 2004:103-120 (= Amsterdam Studies in
th Theory and History of Linguistic Science. Series IV: Current Issues in Linguistic Theory; 258).
1. investigación | 2. ámb. galego | 3. diacrónico
A situación silábica da consoante nasal velar do galego moderno en posición intervocálica (cf. unha, algunha,
ningunha) foi unha cuestión moi discutida nos últimos trinta anos. As solucións propostas ata
agora (considerala como cabeza da sílaba: u-nha / como coda: unh-a) resultan custosas desde o punto de
vista fonolóxico porque contradín principios ben asentados da teoría fonolóxica, como o de Conservación
de estrutura ou as xeneralizacións sobre a marcaxe silábica. A autora defende aquí unha análise otimalista
Bibliografía analítica da lingua galega (2004) 263