Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
413. Pena Díaz, María del Carmen: Code Alternation in a Trilingual Community: From Pragmatics
to Grammar, Tese de Doutoramento, Universidade de Santiago, Facultade de Filoloxía,
Departamento de Filoloxía Inglesa, 2003, X + 468 p. | [Ed. facs. dix.]: [Santiago de Compostela],
Universidade de Santiago, Servizo de Publicacións e Intercambio Científico, 2004, 1
CD-ROM (= Teses de doutoramento da Universidade de Santiago de Compostela. Filoloxía). |
[Public. parcial]: “The Continuum from Pragmatics to Grammatical Structure in Bilingual
Speech” [entrada 412].
1. investigación | 2. ámb. xeral/panrománico | 3. sincrónico | 4. c | 5. lingua oral
Estuda a alternancia de códigos como estratexia conversacional con significado comunicativo e social,
que depende, sobre todo, de elementos secuenciais, como as quendas de fala, ou de funcións con significado
local. Baséase nos datos tirados de catro conversas espontáneas (gravadas entre 1998-2000) entre
falantes trilingües (castelán, inglés e galego) pertencentes a unha comunidade de inmigrantes galegos
de Londres. A análise de carácter cualitativo segue a teoría secuencial de Peter Auer [“The Pragmatics of
Codeswitching: A Sequential Approach” (1995)], que adopta unha focaxe ampla en que se interpreta a
alternancia de códigos como inserida no desenvolvemento secuencial da conversa e, polo tanto, permite
explicar o fenómeno desde unha perspectiva conversacional e pragmática. Os aspectos investigados
son os seguintes: 1) Os tipos de alternancia de linguas que aparecen na comunidade estudada, segundo
a tipoloxía de Auer (cambio de códigos = estratexias de contextualización funcionais con significado
local; mestura de códigos = xustaposición de dúas ou máis variedades lingüísticas que constitúen unha
variedade en si; lecto fundido = alternancia de códigos gramaticalizada); 2) As funcións pragmáticas e
o significado interaccional da alternancia de códigos; 3) A caracterización do comportamento lingüístico
da comunidade estudada verbo das coordenadas de movemento sociolingüísticas no continuo
proposto por Auer (cambio de códigos > mestura > gramaticalización). O traballo está organizado en
cinco caps. (ademais da introdución e as conclusións): no 2º explícanse os conceptos de bilingüismo e
trilingüismo, así como o de alternancia de códigos e a súa evolución histórica; ademais, examínanse as
diversas focaxes e métodos aplicados ao estudo da alternancia de códigos; no 3º establécense as bases
e o marco teórico en que se basea a posterior análise dos datos e repásanse conceptos pertinentes para
o estudo, como o de código; no 4º explícanse os métodos empregados na recolla de datos e descríbense
os falantes seleccionados e a comunidade estudada, así como as súas actitudes fronte á alternancia de
códigos; no 5º desenvólvese a análise secuencial dos datos, que amosan que a alternancia de códigos
só se produce nos suxeitos da segunda xeración de inmigrantes; por outra banda, só se acharon dous
dos tres tipos de alternancia (cambio de códigos e mestura, pero non gramaticalización), o cal evidencia
que a comunidade bilingüe descrita se acha nun punto central no continuo de movemento de Auer,
entre os ámbitos da pragmática e a gramática. A fala desta comunidade é, en xeral, unha mestura de
códigos en que aparecen implicados dous dos tres idiomas (castelán e galego ou castelán e inglés) e
que, ademais, inclúe moitos cambios de códigos. Nun apéndice (p. 318-451) ofrécese a transcrición
completa das catro conversas que serviron de base para o estudo.
414. Prego Vázquez, Gabriela: “Alternancia lingüística e construcción dunha nova clase social
na Galicia rururbana”, en Anxo M. Lorenzo Suárez, Fernando Ramallo e Xoán Paulo Rodríguez
Yáñez (eds.), Bilingual Socialization and Bilingual Language Acquisition = Socialización bilingüe
e Adquisición lingüística bilingüe: Proceedings from the Second International Symposium on
Bilingualism = Actas do Segundo Simposio Internacional sobre o Bilingüismo (University of
Vigo, Galicia-Spain, October 23-26, 2002), [Ed. dix.]: [Vigo], Universidade de Vigo, Servizo de
206 Bibliografía analítica da lingua galega (2004)