Descarga en formato PDF (3,8 MB) - Centro Ramón Piñeiro para a ...

Lexicoloxía, lexicografía e onomástica
tes), acompañadas da categoría gramatical no caso de que esta ou o seu xénero non coincidan cos da
entrada; o seguinte bloque de información presenta o nome científico, as equivalencias en castelán e
inglés, xunto cos sinónimos en cada unha destas linguas; por último, no apartado “Nota” aparecen por
veces informacións complementarias, tanto de tipo técnico como lingüístico, ou explicacións das escollas
que poidan parecer discutibles; b) remisivas: recollen unicamente formas sinónimas ou variantes
dunha entrada completa e limítanse a redirixir ao consultante cara a esta, onde poderá atopar toda a
información recollida sobre o concepto. Complétase con índices alfabéticos dos nomes científicos (p.
80-87), das denominacións castelás (p. 90-101) e das denominacións inglesas (p. 104-115), en que se
indica o número de entrada en que se poden atopar, o que permite acceder rapidamente á información
buscada, con independencia da lingua de partida.
222-3. Vilavedra, Dolores (coord.) et al.: Diccionario da literatura galega: IV. Termos e institucións
literarias (Glosario), Vigo, Galaxia, [2004], 529 p.
1. investigación | 2. ámb. galego | 3. sincrónico | 4. c | 5. lingua oral/escrita: inf. diafásica (rexistro científico-técnico)
Último tomo do proxecto Diccionario da literatura galega elaborado por un equipo de especialistas
formado por Teresa Bermúdez Montes, Ana Belén Fortes López, María García Liñeira, Helena González,
María Xesús Lama López, Iolanda Ogando, Noemí Pazó González, María do Cebreiro Rábade, Teresa
Seara, Dolores Vilavedra e Rexina Rodríguez Vega. Concibido como unha sorte de complemento dos
anteriores, trata de afondar, “sen ánimo ningún de exhaustividade, en todos aqueles conceptos, fundamentalmente
de tipo terminolóxico, periodolóxico e, sobre todo, sistémico, que se nos foran manifestando
como fundamentais ó longo do proceso de redacción dos tres anteriores volumes non tanto
(ou non só) pola súa importancia intrínseca e cualitativa senón, sobre todo, polo feito de posuíren unha
dimensión propia, un significado particular no noso sistema literario” (p. 10). Segundo esta descrición,
unha das funcións desta monografía é a de servir como dicionario terminolóxico para o campo da
análise literaria. O traballo tamén ofrece cadros ou esquemas con información referida a campos como
a tipoloxía de xéneros, a métrica ou as xeracións poéticas, entre outros, coa intención de “integralos
nun conxunto coherente e facilmente visualizable, ó que se remitise dende o corpo do texto sempre
que fose necesario” (p. 11). As entradas inclúen información bibliográfica sobre os conceptos definidos
ou descritos.
Vid. tamén a entrada 207.
426 Outros vocabularios sectoriais
223-1. Souto Pico, Manuel: Dicionario terminolóxico da vestimenta tradicional galega e proposta
dun sistema de representación conceptual dinámico para a súa consulta onomasiolóxica en
liña, Proxecto de Fin de Licenciatura, Universidade de Vigo, Facultade de Filoloxía e Tradución
e Interpretación, 2003, 153 p., il. | [Ed. en liña n.v.]: [s.d.], , [Formato: PDF], [Consulta: 22/11/2004]. | [Ed. en liña n.v.]: Dicionario da vestimenta
tradicional galega, [2004-], , [Consulta: 22/11/2004].
1. investigación | 2. ámb. galego | 3. sincrónico | 4. c | 5. lingua oral/escrita: inf. diafásica
126 Bibliografía analítica da lingua galega (2004)