Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
(referido aos animais); 2) a substitución parcial das formas gal. costelas, costas, fígado, riles polas cast.
costillas, espalda, hígado, riñones en certos contextos: dóenme as costillas; 3) a coexistencia nun mesmo
falante de parellas como cast. ayer / gal. onte, debido á consideración do galego como un tabú (algo
prohibido en determinados contextos), o cal axudaría a entender o recurso á forma cast. ayer en contextos
moi marcados (interlocutor menos coñecido, contexto máis formal, etc.).
416. Parga Valiña, Miruca: “A interferencia lingüística no galego oral”, en Rosario Álvarez
Blanco, Francisco Fernández Rei e Antón Santamarina (eds.), A Lingua Galega: historia e actualidade:
Actas do I Congreso Internacional (Santiago de Compostela, 16-20 de setembro de
1996), I, Santiago de Compostela, Consello da Cultura Galega / Instituto da Lingua Galega,
[2004]:547-558. | [Ed. facs. en liña n.v.]: Santiago de Compostela, Consello da Cultura Galega,
[2004], , [Formato:
PDF], [Consulta: 13/01/2005].
1. investigación | 2. ámb. galego | 3. sincrónico | 4. c | 5. lingua oral: inf. diatópica (galego occidental)
Detallada análise das interferencias fonéticas, morfolóxicas, sintácticas e léxicas que amosan nove
etnotextos recollidos en tres parroquias dos concellos de Barreiros (LU), Foz (LU) e Lourenzá (LU),
dialectalmente pertencentes á área mindoniense do bloque central. En cada parroquia obtivéronse
gravacións de tres informantes de distinta xeración (de menos de 30 anos, entre 30 e 60, de maís de
60) e do medio rural. A autora, que presenta os datos a partir dunha rica clasificación tipolóxica dos
castelanismos, conclúe da súa análise que “[o] estado do galego oral no que se refire ás interferencias
lingüísticas do castelán preséntase como satisfactorio nos planos fonético e sintáctico pero atópanse
bastante deturpados o morfolóxico e, sobre todo, o léxico, que presenta unha grande influencia do
castelán” (p. 558).
417. Puentes Romay, José Antonio: “Ochenta ¿é realmente un castelanismo”, en Rosario Álvarez
Blanco, Francisco Fernández Rei e Antón Santamarina (eds.), A Lingua Galega: historia
e actualidade: Actas do I Congreso Internacional (Santiago de Compostela, 16-20 de setembro de
1996), I, Santiago de Compostela, Consello da Cultura Galega / Instituto da Lingua Galega,
[2004]:559-566. | [Ed. facs. en liña n.v.]: Santiago de Compostela, Consello da Cultura Galega,
[2004], , [Formato:
PDF], [Consulta: 13/01/2005].
1. investigación | 2. ámb. galego | 3. diacrónico | 4. c
Estuda a orixe da forma ochenta, presente na fala galega viva e habitualmente considerada castelanismo.
O autor, tras analizar os cambios fonéticos desde a época latina e a posibilidade de que actuasen
factores que favorecen a palatalización -xa que en oitenta “se dá unha combinación de factores practicamente
única no galego, a saber: ditongo [oi] átono en inicial absoluta seguido de [t] e de vocal tónica”
(p. 564)- conclúe que, “sen negar o papel catalizador do castelán, este non foi o primeiro causante”.
418. Romero Rodríguez, Patricia / Núñez Singala, Manuel Carlos: “Interferencias entre
galego e castelán na prensa escrita en Galicia”, en Rosario Álvarez Blanco, Francisco
Fernández Rei e Antón Santamarina (eds.), A Lingua Galega: historia e actualidade: Actas do
I Congreso Internacional (Santiago de Compostela, 16-20 de setembro de 1996), I, Santiago de
Compostela, Consello da Cultura Galega / Instituto da Lingua Galega, [2004]:535-545. | [Ed.
208 Bibliografía analítica da lingua galega (2004)