Descarga en formato PDF (3,8 MB) - Centro Ramón Piñeiro para a ...

Didáctica do galego, tradución, interpretación e dobraxe
Traballo que “pretende ser unha pequena contribución ó estudio do que significou durante unha parte
do chamado fenómeno do Rexurdimento a presencia de traduccións doutras linguas ó galego, feito
este que sen dúbida debeu de axudar en boa medida a que a nosa lingua e literatura incorporasen
influencias das linguas e literaturas próximas (e non tanto) e que a esas altura posuían un prestixio
moi superior” (p. 401). Para levalo a cabo, o autor procedeu “a consultar unha serie de publicacións
periódicas escritas integramente en galego aparecidas ó longo da segunda metade do século XIX,
coa intención de localizar aqueles textos que constituísen unha traducción ou versión dun orixinal
dunha lingua diferente” (ibid.). As publicacións consultadas son as seguintes: O Tio Marcos d’a Portela
(Ourense, 1876-1889), O Galiciano (Pontevedra, 1884-1889), A Fuliada (Betanzos, 1887), A Fuliada (A
Coruña, 1888), O Novo Galiciano (Pontevedra, 1888-1889), A Monteira (Lugo, 1889-1890), A Tia Catuxa
(Pontevedra, 1889-1890), As Burgas (Ourense, 1894-1895). Nesta pescuda chega a identificar 60 textos
(en máis dun caso, repetidos) en que dalgunha maneira se indica a súa procedencia doutra lingua e
dos que se ofrecen aquí datos sobre o xénero, as linguas traducidas, os autores traducidos e os autores
das traducións. O traballo conclúe cunha reflexión xeral sobre as actitudes que reflicte este labor verbo
do que podía representar a tradución de textos prosísticos para a normalización do galego.
718. Seixas Seoane, Miguel Anxo: “Traduccións e versións do alemán ó galego. Inventario de
1896 a 1996”, en Rosario Álvarez Blanco, Francisco Fernández Rei e Antón Santamarina (eds.), A
Lingua Galega: historia e actualidade: Actas do I Congreso Internacional (Santiago de Compostela,
16-20 de setembro de 1996), III, Santiago de Compostela, Consello da Cultura Galega / Instituto
da Lingua Galega, [2004]:425-447. | [Ed. facs. en liña n.v.]: Santiago de Compostela, Consello
da Cultura Galega, [2006], , [Formato: PDF], [Consulta: 09/06/2006].
1. investigación | 2. ámb. galego | 3. sincrónico | 4. c | 5. lingua escrita
Tal como sinala o autor, trátase dun inventario das obras traducidas ou versionadas do alemán para o
galego entre as datas sinaladas no título. Comeza por sinalar o coñecemento do alemán que había no
séc. XIX e o seu ensino e como repercutiu na publicación de obras alemás en lingua galega. Así, en 1899
publícase en O Tío Marcos da Portela o relato “O doutor sábeo-todo” dos irmáns Grimm e en 1890 en A
Monteira aparece traducido ao galego un poema de Heine, se ben posiblemente se trate de traducións
feitas a través do castelán. O coñecemento do alemán no séc. XIX débese basicamente aos homes de
ciencia que acoden a Alemaña “en busca de coñecemento e aprenderán a lingua, [...] e tentarán que
os seus discípulos aprendan ese idioma” (p. 430). Mais as versións en galego de obras alemás medran
a partir da creación das Irmandades da Fala, aumentando o número de traducións a medida que se
avanza no tempo, se ben cómpre ter en conta a paralización que supuxo a ditadura e o novo pulo que
experimentaron a partir de 1950. Ofrécese unha extensa relación das obras traducidas do alemán para
o galego ata 1996, que inclúe poesía, narrativa e teatro.
83 A interpretación
719. Bacigalupe, Luis Alonso / Cruces Colado, Susana / Mascuñón Tolón, Sylvie: “A interpretación
en Galiza: unha profesión emerxente”, Viceversa, 9-10, 2003-04:11-30.
1. investigación | 2. ámb. galego | 3. sincrónico | 4. c | 5. lingua oral
Bibliografía analítica da lingua galega (2004) 337