Descarga en formato PDF (3,8 MB) - Centro Ramón Piñeiro para a ...

Lexicoloxía, lexicografía e onomástica
222-1. Réseau Panlatin de Terminologie (Realiter): Lèxic panllatí del comerç electrònic =
Léxico panlatino de comercio electrónico = Lexique panlatin du commerce électronique = Léxico
panlatino do comercio electrónico = Lessico panlatino del commercio elettronico = Léxico panlatino
do comércio eletrônico = Lexic panlatin de comert electronic = Panlatin electronic Commerce
Glossary, [Ed. en liña n.v.]: [Gatineau, Québec], Bureau de la Traduction = Translation
Bureau, Direction de la Terminologie et de la Normalisation / Realiter, 2004, ,
[Formato: PDF], [Consulta: 28/08/2006]. | [Ed. en liña n.v. para consulta en directo]: [2004],
, [Formato: HTML], [Consulta: 28/08/2006].
1. investigación | 2. ámb. xeral/panrománico | 3. sincrónico | 4. c | 5. lingua oral/escrita: inf. diafásica
(rexistro científico-técnico)
Vocabulario multilingüe que ofrece a terminoloxía de varios subdominios (transaccións, márketing,
seguridade, criptografía, comunicacións, produtos e servizos para as persoas e as empresas, protección
do consumidor e tecnoloxías da información). Inclúe preto de 300 entradas en cada unha das seguintes
linguas: catalán, castelán, francés, galego, italiano, portugués, romanés e inglés. Permite facer buscas
a partir de calquera das oito linguas. O responsable da parte galega é Manuel González González
e as autoras son María del Pilar Alvariño Alvariño, María Montserrat Muriano Rodríguez e María Vallejo
González, terminólogas do Servizo TERMIGAL.
222-2. Rodríguez Río, Xusto A. (coord. e autor) / Díaz Vizcaíno, Elvira / Rigueiro Rodríguez,
Antonio / Villarino Urtiaga, Juan José: Termos esenciais de botánica, Promovido
pola Comisión de Normalización Lingüística da Escola Politécnica Superior da USC / Servizo
de Normalización Lingüística da USC, [Santiago de Compostela], Universidade de Santiago,
Servizo de Publicación e Intercambio Científico, 2004, 120 p. | [Ed. facs. en liña n.v.]:
[Santiago de Compostela], Universidade de Santiago, Servizo de Normalización Lingüística,
[2004], , [Formato: PDF], [Consulta:
31/08/2006].
1. investigación | 2. ámb. galego | 3. sincrónico | 4. c | 5. lingua oral/escrita: inf. diafásica (rexistro científico-técnico)
Vocabulario de 694 entradas centrado nas dúas subáreas da botánica que máis relevancia teñen no
nivel básico en que se sitúa: a morfoloxía vexetal e os nomes de especies de interese agrícola, forestal,
industrial, ornamental e plantas silvestres en xeral. Inclúe as denominacións en galego, castelán e
inglés, así como os nomes científicos das especies botánicas. Ofrécense os sinónimos e as variantes
denominativas máis relevantes en cada unha das linguas, tomando como marca de relevancia a frecuencia
con que aparecen no corpus documental manexado para elaborar o vocabulario. Tendo en
conta que se trata de termos básicos e que o traballo vai destinado a futuros especialistas, os autores
prescinden da definición das entradas, xa que a indicación da subárea temática e da denominación
científica achegan indirectamente información conceptual. Pódense achar dous tipos de entradas: a)
completas: encabézanse co nome galego e a categoría gramatical; na seguinte liña indícase a área ou
áreas temáticas a que pertence o concepto designado polo nome galego; a continuación poden aparecer
referencias a outras denominacións galegas que aluden ao mesmo concepto (sinónimos ou varian-
Bibliografía analítica da lingua galega (2004) 125