Descarga en formato PDF (3,8 MB) - Centro Ramón Piñeiro para a ...

Lingüística histórica e crítica textual
Ofrece as liñas xerais da análise dos documentos do mosteiro de San Mamede de Seavia con vistas
a unha futura edición filolóxica. Trátase de seis pergamiños datados entre 1423-1487 e conservados
no ASPAntealtares (Santiago de Compostela). O traballo iníciase cun panorama histórico do mosteiro,
seguido da identificación dos documentos e dunha caracterización diplomática, codicolóxica e lingüística
dos mesmos. O traballo insírese no proxecto de investigación Gramática histórica da lingua galega,
que se está a desenvolver no ILG.
Vid. tamén a entrada 621.
66 Historiografía da lingüística histórica e a filoloxía galegas
663. Sharrer, Harvey L.: “Estado actual de los estudios sobre el Cancioneiro da Ajuda“, en
O Cancioneiro da Ajuda, cen anos despois: Actas do Congreso realizado pola Dirección Xeral de
Promoción Cultural en Santiago de Compostela e na Illa de San Simón os días 25-28 de maio
de 2004, Santiago de Compostela, Xunta de Galicia, Consellería de Cultura, Comunicación
Social e Turismo, 2004:41-54 (= Colección de difusión cultural; 41).
1. investigación | 2. ámb. galego | 3. sincrónico | 4. m | 5. lingua escrita: lingua literaria
Destaca o traballo realizado por Carolina Michaëlis de Vasconcelos na edición do cancioneiro publicada
en 1904. Con anterioridade, o manuscrito, conservado na Biblioteca do Palácio de Ajuda, fora obxecto de
dúas edicións parciais: 1) a publicada en París en 1823 por Charles Stuart, coa transcrición de 260 cantigas;
2) a publicada en Madrid en 1894 por Francisco Adolfo de Varnhagen, coa transcrición de 302 cantigas.
Máis tarde apareceu a edición paleográfica de Henry H. Carter, publicada en 1941 e reimpresa en 1975,
e a edición facsimilar dirixida por Manuel Cadafaz de Matas, publicada en 1994. Comenta a difusión e
o interese que espertou o códice xa no séc. XIX e as copias parciais e completas que se realizaron del.
Así mesmo, salienta os estudos sobre o cancioneiro realizados por Ana Maria Ramos. Presta atención ás
conclusións de diversos estudosos sobre a cronoloxía do códice, baseándose en aspectos paleográficos
e lingüísticos (incluídos os gráficos), nas relacións stemmáticas dos códices, na cronoloxía dos autores representados
nesta antoloxía e en detalles ornamentais. A continuación, fai alusión a contribucións como
o Repertorio metrico della lirica galego-portoghese de Giuseppe Tavani e o “Rimario del Cancioneiro da Ajuda”
(1989, vid. BILEGA 10050) de Antonia Víñez; destaca como ferramentas de grande utilidade o Nuovo
repertorio bibliografico della prima lirica galego-portoghese (1981, vid. BILEGA 4946) de Silvio Pellegrini e
Giovanna Marroni, as seccións dedicadas ao galego e ao portugués no Boletín Bibliográfico de la Asociación
Hispánica de Literatura Medieval (BBAHLM) e a Bibliografía de Textos Antigos Galegos e Portugueses
(BITAGAP), compilada por Arthur L.-F. Askins, Harvey L. Sharrer, Aida Fernanda Dias e Martha E. Schaffer
(con ed. en CD-ROM de 1999 e accesible a través da Internet desde 1997).
Vid. tamén as entradas 72, 78, 79, 80-1, 80-2, 83, 568, 569.
661 Informes sobre proxectos de investigación de lingüística histórica
664. Santana, Maria Olinda Rodrigues: “Edição e estudo estatístico-lexical da documentação
foraleira transmontana: um projecto em curso”, en Ana Maria Brito, Olívia Figueiredo e Clara
314 Bibliografía analítica da lingua galega (2004)