Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
falta de consistencia amosaríase nas actitudes xerais positivas cara ao galego e o uso pouco estendido
do mesmo entre ese sector da poboación. O traballo trata de afondar nas causas desa inconsistencia
no plano das actitudes, a través da ilustración con parte dos resultados obtidos do diagnóstico actitudinal
realizado para o proxecto “Deseño de medidas para mellora-las actitudes cara ó galego e
incrementa-lo seu uso” (2002, vid. BILEGA 11780), desenvolvido polo Seminario de Sociolingüística da
Real Academia Galega.
395. Loredo Gutiérrez, Xaquín / Pereiro Rozas, Arturo X. / Casares Berg, Håkan / Suárez
Fernández, Isabel / Fernández Salgado, Xosé Antonio / Real Deus, Eulogio: “Medición
indirecta das actitudes lingüísticas dos mozos galegos coa técnica matched-guise: estereotipos
físicos”, en Anxo M. Lorenzo Suárez, Fernando Ramallo e Xoán Paulo Rodríguez Yáñez
(eds.), Bilingual Socialization and Bilingual Language Acquisition = Socialización bilingüe e
Adquisición lingüística bilingüe: Proceedings from the Second International Symposium on Bilingualism
= Actas do Segundo Simposio Internacional sobre o Bilingüismo (University of Vigo,
Galicia-Spain, October 23-26, 2002), [Ed. dix.]: [Vigo], Universidade de Vigo, Servizo de Publicacións,
2004:1707-1724 [CD-ROM]. | [Ed. facs. en liña n.v.]: Vigo, Universidade de Vigo,
Seminario de Sociolingüística e Bilingüismo, [2005], , [Formato: PDF], [Consulta: 01/03/2006].
1. investigación | 2. ámb. galego | 3. sincrónico | 4. c
Os datos do MSG testemuñan a importancia da variable idade para explicar as diferenzas nos usos
lingüísticos entre o galego e o castelán: “A medida que a idade descende prodúcese unha diminución
progresiva do galego como lingua habitual, circunstancia que se agrava se o seu hábitat de residencia
é urbano” (p. 1707). Canto ás actitudes lingüísticas dos mozos galegos, os estudos realizados non amosan
“unhas actitudes lingüísticas consistentes coa diminución do uso, senón que incluso informan de
que as persoas máis novas son as que presentan unhas actitudes máis favorables cara ao emprego do
galego” (p. 1707-1708). Porén, eses estudos “non permiten facer unha valoración actitudinal distintiva
das características fonéticas e prosódicas (i.e., acento) propias das distintas variedades lingüísticas,
senón que maioritariamente sondan de xeito directo as referidas a unha e outra lingua (i.e., galego e
castelán), por medio de cuestionarios” (p. 1708). Tratando de superar esta limitación e mediante o recurso
á técnica de matched-guise, o obxectivo deste traballo é “sondar estereotipos físicos asociados ás
variedades lingüísticas das dúas linguas que coexisten en Galicia. Con este propósito, utilizouse a información
verbal procedente de dous falantes que se expresan publicamente nas variedades lingüísticas
manipuladas. O universo obxecto do estudo foron mozos de 14 a 20 anos de toda Galicia que cursaban
educación secundaria obrigatoria, ciclos formativos e bacharelato. O contexto elixido foron os medios
de comunicación, xa que estes constitúen o ámbito de uso público por excelencia da lingua, polo que
pode ser considerado idóneo para sondar as valoracións que os mozos fan dos falantes que empregan
publicamente as diferentes variedades” (p. 1709).
396. Pereiro Rozas, Arturo X.: “Actitudes lingüísticas e estereotipos profesionais e físicos
asociados, atopados nos mozos galegos: un estudo exploratorio con matched-guise = Linguistic
Attitudes and Related Professional and Physical Stereotypes Found in Galician Young
People: An Exploratory Study Using a Matched-Guise Technique”, en Fabio Chiocchetti, Vittorio
dell’Aquila e Gabriele Iannàccaro (eds.), Alpes Europa: Neves enrescides soziolinguistiches
196 Bibliografía analítica da lingua galega (2004)