Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
nos lugares de Pielas, Bouzadrago e Oleas (Entrimo, OU) e Ribeiro de Baixo (Castro-Leboreiro, Melgaço,
PT). Descríbese a realización das consoantes sibilantes, sinalando os trazos coincidentes e discordantes
entre a zona galega e a portuguesa. Así mesmo, contraponse a fala de Entrimo co galego estándar, tanto
desde o punto de vista fonético como morfolóxico e léxico. No caso de Ribeiro de Baixo, sinálanse as
diverxencias verbo do portugués estándar. Inclúe a transcrición dos sete textos gravados, indicando en
cada unha delas o lugar en que foi recollido, o sexo, a idade e a profesión do(s) informante(s). A edición
acompáñase de arquivos sonoros en formato WAV e MP3 coa reprodución dos textos. A ed. abreviada
reproduce, no esencial, o texto da conferencia, pero só ofrece a transcrición de tres textos. O estudo é o
resultado dun traballo escolar desenvolvido durante o curso 2003-2004 por profesores e alumnos do IES
«Aquis Querquernis» de Bande (OU), baixo a coordinación do autor da conferencia.
324. Riobó Sanluís, Benxamín (coord.) / Sartal Lorenzo, Miguel Anxo (coord.) / Asociación
Cultural Alén do Val: Fala e cultura d’os tres lugaris: Valverde do Fresno, As Ellas,
San Martín de Trebello (Cáceres), Noia, A Coruña, Toxosoutos, 2004, 186 p., 3 mapas, il. (=
Divulgación e ensaio).
1. divulgación/opinión | 2. ámb. galego | 3. sincrónico e diacrónico | 4. c | 5. lingua oral: inf. diatópica
(falas galegas de Estremadura)
Segundo se sinala no prólogo, trátase dunha actualización do traballo “Estudio lingüístico, Etnográfico y
Antropológico del Val do ríu Ellas (Cáceres)”, gañador do Certamen de Jóvenes Investigadores convocado
polo Ministerio de Cultura no ano 1993. É unha reivindicación da fala e a cultura de Valverde do Fresno, As
Ellas e San Martín de Trebello, entidades de poboación situadas no noroeste da provincia de Cáceres en
que se emprega unha variedade de galego que foi importada alí por colonos no séc. XIII. Desde o punto
de vista lingüístico interesan especialmente os apdos. “Aspectos sociolingüísticos” (p. 63-75), en que se
analiza a situación sociolingüística da zona, e “Características lingüísticas” (p. 77-88), onde se sinalan os
trazos máis significativos das falas deste val, que permiten adscribilas “á póla galega da familia galegoportuguesa”
(p. 77); recóllense refráns e cancións populares e descríbense algúns aspectos etnográficos
como os oficios tradicionais. Inclúe tamén un glosario dunhas 525 entradas (p. 161-179), que recolle as
voces “máis diferenciadoras e peculiares” (p. 161) do Val do Ellas con respecto á lingua galega.
Vid. tamén as entradas 143, 161, 182, 183, 187, 190, 198, 202, 225-1, 225-2, 307, 405, 416.
515 O galego na cartografía lingüística
325. González González, Manuel: “O Atlas Linguistique Roman (ALiR). Unha visión persoal
desde Galicia”, en Rosario Álvarez Blanco, Francisco Fernández Rei e Antón Santamarina
(eds.), A Lingua Galega: historia e actualidade: Actas do I Congreso Internacional (Santiago de
Compostela, 16-20 de setembro de 1996), II, Santiago de Compostela, Consello da Cultura Galega
/ Instituto da Lingua Galega, [2004]:573-602. | [Ed. facs. en liña n.v.]: Santiago de Compostela,
Consello da Cultura Galega, [2005], , [Formato: PDF], [Consulta: 13/01/2005].
1. investigación | 2. ámb. galego | 3. sincrónico | 4. c | 5. lingua oral
168 Bibliografía analítica da lingua galega (2004)