Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
tificar os factores que determinan o actual proceso de desgaleguización dos emigrantes galegos a Bos
Aires, a partir da análise de quince entrevistas (cun total aproximado de vinte horas de gravación) realizadas
na capital arxentina a galegos e fillos de galegos, ás que se engaden diversas notas tiradas de
emigrantes retornados. O autor diferencia factores externos (fundamentalmente de carácter socioeconómico)
e factores internos (sobre todo de tipo psicolóxico), malia recoñecer que ambos os dous tipos
están interrelacionados e se poden condicionar mutuamente. Entre estes últimos, dedícalles especial
atención aos fenómenos de interferencia debidos ao contacto do galego co castelán.
5213 Traballos sobre a variación lingüística
408. Kabatek, Johannes: “A diferenciación diafásica do galego actual”, en Rosario Álvarez
Blanco, Francisco Fernández Rei e Antón Santamarina (eds.), A Lingua Galega: historia e actualidade:
Actas do I Congreso Internacional (Santiago de Compostela, 16-20 de setembro de
1996), II, Santiago de Compostela, Consello da Cultura Galega / Instituto da Lingua Galega,
[2004]:379-388. | [Ed. facs. en liña n.v.]: Santiago de Compostela, Consello da Cultura Galega,
[2005], ,
[Formato: PDF], [Consulta: 13/01/2005].
1. investigación | 2. ámb. galego | 3. sincrónico | 4. c | 5. lingua oral: inf. diafásica
En primeiro lugar, explícase o significado do termo variación diafásica, introducido por Eugenio Coseriu
na década de 1950 e cuxa interpretación tradicionalmente produciu malentendidos. En segundo
lugar, estúdase o proceso creador da diferenciación diafásica. A conquista de novos ámbitos de uso
polo galego representa “a creación de algo novo, que esixe a intervención activa dos falantes” (p. 382).
Segundo o autor, na actualidade estase a crear unha nova distinción dentro do galego que leva á diferenciación
dunha lingua alta e culta, fronte á lingua falada e dialectal: “O que intervén aquí de forma
decisiva é a reflexión dos falantes, xa que a producción dos textos novos se leva ó cabo en moitos casos
cunhas altas posibilidades de elaboración” (p. 383). Finalmente, enuméranse algunhas das características
desta diferenciación interna, tanto de tipo fonético como morfolóxico e léxico. Conclúese que
as diferentes tendencias son resultado dun proceso de creación en que se observa como as diversas
condicións de produción dos textos levan ao predominio de distintos tipos de interferencia.
Vid. tamén as entradas 88, 142, 552.
52141 O contacto do galego co castelán
409. Diéguez González, Júlio: “Línguas em contacto na Galiza Baixo-medieval”, RGaF, 5,
2004:33-51.
1. investigación | 2. ámb. galego | 3. sincrónico | 4. me | 5. lingua escrita
Estudo das dificultades xurdidas por mor da substitución do galego-portugués polo castelán nos documentos
xurídicos da Idade Media. Segundo o autor, nos textos percíbese o peso da tradición escrita
en galego e o uso oral, mais hai indicios de que “o castelhano é já percebido como marca de autorida-
Bibliografía analítica da lingua galega (2004) 203