Descarga en formato PDF (3,8 MB) - Centro Ramón Piñeiro para a ...

Traballos xerais e obras de consulta
152 A lingüística galega do século XIX
63. Beck-Busse, Gabriele: “Carl Goldbeck - «amigo e mentor»”, en Ulrike Mühlschlegel (ed.),
Dona Carolina Michaëlis e os estudos de Filologia Portuguesa, Frankfurt am Main, Teo Ferrer
de Mesquita, 2004:13-20 (= Biblioteca Luso-Brasileira; 22).
1. investigación | 2. ámb. portugués
Aínda que non se presentou como relatorio, este traballo aparece inserido no volume de actas do
Colóquio Dona Carolina Michaëlis e os estudos filológicos em Portugal no começo do século XX, desenvolvido
o 18 de outubro de 2002 no Instituto Iberoamericano de Berlín, en colaboración coa Facultade de
Letras da Universidade de Coímbra. Debuxa un retrato de Carl Goldbeck, profesor das irmás Carolina
e Henriette Michaëlis, tratando de amosar o pulo que recibiron del para as súas futuras carreiras de
filólogas. Ao mesmo tempo, ofrece un panorama sobre a forma da educación da muller e dos círculos
eruditos no Berlín do século XIX.
64. Fernández Salgado, Xosé Antonio: “A obra gramatical de Marcial Valladares”, Cadernos
de Lingua, 26, 2004:47-98.
1. investigación | 2. ámb. galego | 4. c
Estúdase polo miúdo a obra gramatical de Marcial Valladares Núñez (1821-1903), centrándose principalmente
nos Elementos de gramática gallega [1892] (1970, vid. BILEGA 932). Analízanse os “logros e
deficiencias en termos de focaxe, organización e contidos gramaticais” (p. 47) sinalando a importancia
desta obra, “ponte entre as gramáticas galegas descritivas do período rexionalista e as prescritivas da
época nacionalista das Irmandades e Nós” (p. 95) e que lle serve a Valladares para dar a coñecer as
regras básicas da lingua galega partindo da variante occidental, se ben tamén inclúe datos doutras
áreas dialectais.
65. Fernández Salgado, Xosé Antonio: “As citas de autor no Diccionario de Marcial Valladares”,
en Rosario Álvarez e Antón Santamarina (eds.), (Dis)cursos da escrita: Estudos de filoloxía
galega ofrecidos en memoria de Fernando R. Tato Plaza, [A Coruña], Fundación Pedro Barrié
de la Maza, [2004]:237-257 (= Biblioteca Filolóxica Galega / Instituto da Lingua Galega).
1. investigación | 2. ámb. galego | 4. c
Estudo das citas de autoridade empregadas para a exemplificación de entradas no Diccionario gallegocastellano
(1884, vid. BILEGA 1048) de Marcial Valladares. Analízase o elenco de autores seleccionados,
as propias citas (extensión, cambios ortográficos aplicados, fontes manexadas) e o tipo de entradas
que ilustran esas citas.
66. Fernández Salgado, Xosé Antonio: “Cen anos sen Marcial Valladares: retallos da vida e
obra”, A Trabe de Ouro, 57, 2004:89-102.
1. investigación | 2. ámb. galego | 4. c
Notas sobre a vida e a elaboración da obra de Marcial Valladares Núñez (1821-1903). Faise referencia
á súa época de estudante en Santiago de Compostela e á súa actividade como poeta nesa época, á
súa colaboración no Diccionario geográfico-estadístico-histórico de España y sus posesiones de ultramar
(1845, vid. BILEGA 3817) e á súa etapa máis fructífera como investigador a partir da década de 1860,
Bibliografía analítica da lingua galega (2004) 61