Descarga en formato PDF (3,8 MB) - Centro Ramón Piñeiro para a ...

Lexicoloxía, lexicografía e onomástica
portuguesa, campo ao que ela tratou de contribuír coa elaboración do glosario da referida obra de
Afonso X. Intenta xustificar o interese deste texto para logo pasar a discutir os aspectos que deben ser
obxecto de reflexión previa á elaboración dun glosario, exemplificándoos co traballo que desenvolveu
na elaboración do glosario da Primeira Partida: 1) decidir o seu carácter exhaustivo ou parcial; 2) organizalo
en artigos remisivos ou enunciativos; 3) decidir os elementos de información que debe conter
cada artigo; 4) xulgar a pertinencia desas informacións para o coñecemento do texto; 5) determinar o
contexto verbal que debe darse para cada entrada.
216. Martínez Roca, Iggy: “Práctica lexicográfica nas linguas en estado de bilingüismo”,
en Rosario Álvarez Blanco, Francisco Fernández Rei e Antón Santamarina (eds.), A Lingua
Galega: historia e actualidade: Actas do I Congreso Internacional (Santiago de Compostela, 16-
20 de setembro de 1996), I, Santiago de Compostela, Consello da Cultura Galega / Instituto
da Lingua Galega, [2004]:567-578. | [Ed. facs. en liña n.v.]: Santiago de Compostela, Consello
da Cultura Galega, [2004], , [Formato: PDF], [Consulta: 13/01/2005].
1. investigación | 2. ámb. galego | 3. sincrónico | 4. c
Ocúpase das dificultades que encerra o traballo lexicográfico nun caso como o galego. Sérvese, a modo
de exemplo, dos verbos agardar e esperar, para os que estuda o seu tratamento nos dicionarios galegos
e o seu uso en contextos normativos.
217. Santamarina, Antón: “Lenguas del entorno leonés. Los diccionarios gallegos como instrumento
para el hispanista”, en Orígenes de las lenguas romances en el reino de León: siglos IX-XII, II,
León, Centro de Estudios e Investigación «San Isidoro» / Caja España de Inversiones / Archivo
Histórico Diocesano, 2004:27-68, 4 mapas (= Fuentes y estudios de historia leonesa; 104).
1. investigación | 2. ámb. galego | 3. diacrónico | 4. c
Relatorio presentado no Congreso Internacional «Orígenes de las lenguas romances en el Reino de León:
Siglos IX-XII», celebrado en León do 15 ao 18 de outubro de 2003. Estuda o léxico que comparten o galego,
o asturiano e o leonés (fronte ao castelán). O autor recolle unha mostraxe de voces compartidas
por estas linguas a partir da confrontación das voces da letra B de dicionarios galegos [incluídos na versión
3 do seu Diccionario de diccionarios (2003, vid. BILEGA 9800)], o Diccionario de los bables de Asturias
(Oviedo, 1989) de Jesús Neira Martínez e María del Rosario Piñeiro e o Diccionario de las hablas leonesas
(1993, vid. BILEGA 8617) de Eugenio Miguélez Rodríguez. Ademais, exemplifica como o avance nos
estudos de lingüística galega dos últimos anos e o desenvolvemento de novas ferramentas melloran as
condicións para o traballo do etimoloxista [analiza o caso de bros e abrós no Diccionario crítico etimológico
castellano e hispánico (1980-91, vid. BILEGA 2177) de Joan Corominas e José Antonio Pascual].
218. Soto Andión, Xosé: “Diccionarios de construcciones en lenguas de nuestro entorno:
descripción, análisis y propuesta de elaboración”, RSEL, 34/2, 2004:529-551.
1. investigación | 2. ámb. xeral/panrománico | 3. sincrónico | 4. c
Ofrece unha revisión crítica de varios dicionarios de construcións de diversas linguas (portugués, castelán,
francés, catalán, inglés e alemán), cun dobre obxectivo: 1) modelar un prototipo de dicionario de
construcións, fundamentalmente para o galego, idioma que carece de obras destas características; 2)
contrastar esta investigación con outras do mesmo tipo que poidan estar actualmente en proceso de
122 Bibliografía analítica da lingua galega (2004)