Descarga en formato PDF (3,8 MB) - Centro Ramón Piñeiro para a ...

Traballos xerais e obras de consulta
cada apdo. da obra inclúense exercicios prácticos baseados en textos organizados en distintos niveis
de aprendizaxe.
52. Rodríguez Rodríguez, Anaír (red.) / Davila Ventura, Montserrat (red.): Lingua galega:
Dúbidas lingüísticas, [Vigo], Universidade de Vigo, Servizo de Publicacións, [2004], 139 p.
(= Materiais lingüísticos; 5).
1. divulgación/opinión | 2. ámb. galego | 3. sincrónico | 4. c | 5. lingua oral/escrita
Manual básico para resolver dúbidas de tipo ortográfico, morfolóxico e léxico, adaptado ás novas normas
ortográficas e morfolóxicas aprobadas pola Real Academia Galega en xullo de 2003 [vid. entrada
456]. Está organizado en distintos apdos. que abordan cuestións como as regras de acentuación, o
uso de se non fronte a senón, o artigo, etc. Inclúe un “Glosario de termos dubidosos e incorrectos coa
equivalencia en galego estándar” (p. 70-85) cuns 850 termos ordenados alfabeticamente. No apdo.
“XIX. Toponimia” (p. 85-139) indícanse os nomes dos concellos galegos organizados por provincias, cos
correspondentes xentilicios; a seguir danse os nomes dos concellos (cos xentilicios) de fóra de Galicia
en que se fala galego e logo os nomes das comarcas galegas e os concellos que inclúen; ofrece despois
os topónimos de España organizados por Comunidades Autónomas e provincias, estados e cidades
do mundo organizados por continentes, rexións da Unión Europea e os seus xentilicios. Tamén se dan
os xentilicios do mundo organizados alfabeticamente e, finalmente, inclúese un índice de nomes de
estados, rexións e cidades do mundo (p. 120-139).
144 Dicionarios
1441 Dicionarios monolingües
53. Carballeira Anllo, Xosé María (coord.) / Ares Vázquez, Carme / Hermida Gulías,
Carme / Iglesias Sierra, Primitivo / Lema Suárez, Xosé María / López Fernández, Rosa:
Diccionario Xerais da Lingua, [Vigo], Xerais, 2002, XV + 1280 p., il. | [Nova ed. actualizada]:
Dicionario Xerais da Lingua, [Vigo], Xerais, 2004, XV + 1280 p., il.
1. investigación | 2. ámb. galego | 3. sincrónico | 4. c | 5. lingua oral/escrita
Concibido como instrumento lexicográfico de apoio para o estudante de ensino secundario na medida
en que actualiza e incorpora o léxico que ao longo dos anos se foi fixando dentro do estándar. Contén
37.000 entradas, ordenadas alfabeticamente, das que se desbotaron os derivados circunstanciais regulares,
os aumentativos e os diminutivos, ademais dos participios que non teñen valor como adxectivos
diferenciados. Esta obra mellora e actualiza a información semántica do Diccionario Xerais da Lingua
(1986, vid. BILEGA 1999) mantendo os aspectos que eran novidosos nel e achegando, ademais, o étimo
das entradas. Á parte da información etimolóxica, en cada entrada ofrécense a categoría e subcategoría
gramatical, as diferentes acepcións e indicacións de uso, xunto coa definición, sinónimos, exemplos,
unidades fraseolóxicas e observacións de diversa índole (gramaticais, semánticas, etc.). Entre as p. 656
e 657 inclúe 32 con numeración romana independente que ofrecen ilustracións variadas entre as que
destacan os mapas de Galicia, España e os cinco continentes [Adaptación do resumo que aparece na
publicación]. A nova ed. actualizada aparece adaptada á normativa ortográfica e morfolóxica aprobada
pola Real Academia Galega en xullo de 2003 [vid. entrada 456].
56 Bibliografía analítica da lingua galega (2004)