Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
de variación e cambio). Variación e cambio son procesos naturais das linguas”; en consecuencia, “se o
galego tivese cultivo durante a Idade Moderna e todo ó longo da Idade Contemporánea, hoxe seguiría
mantendo no seu seo formas de variación social e xeográfica” (p. 138).
300. Salvador Plans, Antonio: “Notas sobre la diversidad dialectal de Extremadura”, en Ramón
Almela Pérez, Dolores Anunciación Igualada Belchí, José María Jiménez Cano (coords.),
Homenaje al profesor Estanislao Ramón Trives, Murcia, Universidad de Murcia, 2004:719-743,
4 mapas.
1. investigación | 2. ámb. castelán | 3. sincrónico e diacrónico | 4. c | 5. lingua oral: inf. diatópica (falas
galegas de Estremadura)
Panorámica das áreas dialectais da rexión estremeña, entre as que se recoñece a das falas do val de
Xalma, que “no pueden ser interpretadas como hablas fronterizas ni como hablas de transición, pese a
que se haya empleado esta definición, y que responden en su origen a un proceso de repoblación gallega
en la Transierra leonesa. Puede afirmarse que el habla de las tres localidades del valle (San Martín
de Trevejo, Eljas y Valverde) procede en principio de un gallego medieval, con influjos posteriores del
leonés, de los dialectos portugueses circundantes y del español meridional” (p. 735). Ademais, considera
que, fronte a outras variedades dialectais estremeñas, a do val de Xalma constitúe “una modalidad
dialectal viva, presenta en la mayoría de los vecinos de la localidad, cuyo bilingüismo queda fuera de
toda duda” (ibid.). Tamén deixa constancia das discrepancias aínda existentes entre os especialistas
verbo da orixe, a evolución histórica e a situación actual desta modalidade.
Vid. tamén as entradas 156, 308.
5111 Recoleccións de textos orais
301. Fernández Rei, Francisco: “O Arquivo do Galego Oral do Instituto da Lingua Galega”,
en Cristina Pujales (coord.), Actas [do] I, II e III Encontros «O Son da Memoria», Santiago de
Compostela, Consello da Cultura Galega, Arquivo Sonoro de Galicia, [2004]:63-79 (= Colección
Base). | [Ed. facs. en liña n.v.]: [2005], , [Formato: PDF], [Consulta: 12/01/2006].
1. divulgación/opinión | 2. ámb. galego | 3. sincrónico | 4. c | 5. lingua oral
Relatorio presentado no I Encontro «O Son da Memoria»: O patrimonio oral e a música popular, celebrado
en Santiago de Compostela o 5 e 6 de marzo de 1999. Descríbese o estado en que se encontra o Arquivo
do Galego Oral do ILG, organizado en cinco subarquivos: 1) Etnotextos do ALGa, constituído por
gravacións realizadas entre 1974-1977 e algunhas entre 1979-1983; todo este material está transcrito,
informatizado e concordado e estase a elaborar un glosario para editar conxuntamente coas transcricións;
2) Etnotextos da década de 1980, con gravacións realizadas entre 1979-1991 en preto de 800
lugares; a maior parte delas están transcritas e fichado o léxico para consulta manual; 3) Etnotextos
da década de 1990, constituído por textos producidos por 4.434 informantes de distintas xeracións
residentes en 271 concellos; deste material só está transcrito un tercio, aproximadamente; 4) Materiais
do Cancioneiro galego de tradición oral (A Coruña, Fundación Pedro Barrié de la Maza, 1982) de Dorothé
Shubarth e Antón Santamarina, constituídos por unhas 350 horas de gravacións feitas en 88 conce-
Bibliografía analítica da lingua galega (2004) 157