Descarga en formato PDF (3,8 MB) - Centro Ramón Piñeiro para a ...

Lexicoloxía, lexicografía e onomástica
Trata de probar a existencia de KALLAIKIA antes da chegada dos romanos e delimitar o seu territorio.
Ten en conta a presenza de topónimos e xentilicios de orixe celta que se estenden por todo o territorio.
Entre os topónimos e xentilicios analizados áchanse os seguintes: ártabro < ARTABRI, que contén o céltico
ARTOS «urso» e que significaría «do país limítrofe (para o lado) da Ursa”, Bolo < *BOLLO ou *WOLLO,
galego < KALAICO «o da Terra» (de orixe preindoeuropea), Sil e Galicia < KALLAIKIA «o territorio dos kallaicoi
[os da Terra, do torrón]», astures, que procedería de *ASTURA- «nascente, aurora». O traballo aparece
estruturado en cinco partes: 1) “Na verdade quem eram os Artabri”; 2) “É que por ventura existiu a
Kallaikia”; 3) “As célticas hesperias”; 4) “Sil, o rio da linhagem”; 5) “Ainda mais sobre a Kalláikia (e acerca
dos ástures)”; algunhas delas foron presentadas como relatorios no III e IV Congreso Internacional da
Língua Galego-Portuguesa na Galiza, celebrados en Vigo e Ourense nos anos 1990 e 1993.
266. Nieto Pazó, Agostiño: “Camos e Camões: sobre a oriundez miñorá do príncipe das letras
portuguesas”, REMiñ, 4, 2004:17-24, il.
1. investigación | 2. ámb. galego | 3. diacrónico | 4. pmc
Propón como orixe do apelido Camões a forma toponímica Camos [Santa Baia de Camos, no concello
de Nigrán (PO), reflectida como Santa Eulalia de Camones / Camunes / Camues en documentos medievais
do séc. XIII pertencentes ao mosteiro de Santa María de Oia]. O autor apoia a súa proposta con
argumentos históricos.
267. Rei, Maxi: “Referencias documentais ó concello de Abegondo durante a Alta Idade Media”,
Anuario Brigantino, 27, 2004:179-198.
1. investigación | 2. ámb. galego | 3. sincrónico | 4. m | 5. lingua escrita
Recolla e análise documental das referencias aos lugares e parroquias do concello de Abegondo (CO)
que aparecen na documentación medieval. Nesa documentación atopanse as primeiras referencias
a algúns nomes das actuais parroquias e aldeas: Abegondo, Coba, Cos, Cullergondo, Crendes, Freán,
Froilán, Limiñón, Mabegondo, Meangos, Paredes, Presedo, Regueiro da Vila, San Román, Seixurra, Vilacova,
Vilamarín, Vilanova, Vilar, Vilardel, Vilariño, Vilar de Paredes, Xuanzo.
268. Vázquez Núñez, Arturo: “Documentos históricos (IX)”, BCPMHAOr, I/8, 1899:148-
151. | [Ed. facs. dix.]: [Ourense], Grupo Marcelo Macías de colaboradores do Museo e Arquivo
Provincial de Ourense / Xunta de Galicia, Consellería de Cultura, Promoción Social e
Turismo, Dirección Xeral de Promoción Cultural, [2004], 1 DVD-ROM (= Patrimonio bibliográfico
de Galicia. Serie facsimilar; 1).
1. investigación | 2. ámb. galego | 3. sincrónico | 4. p | 5. lingua escrita: inf. diafásica (rexistro xurídicoadministrativo)
Transcrición (de escaso interese desde o punto de vista filolóxico) dun privilexio do emperador Afonso
VII en que fai varias doazóns ao mosteiro de San Rosendo de Celanova (OU) e confirma os seus antigos
coutos (a. 1145, lat.). O transcritor identifica os lugares que aparecen citados no doc., indicando as
formas toponímicas modernas. Non se fai constar a procedencia do doc.
269. Vázquez Núñez, Arturo: “Documentos históricos (XI)”, BCPMHAOr, I/13, 1900:242-
244. | [Ed. facs. dix.]: [Ourense], Grupo Marcelo Macías de colaboradores do Museo e Arquivo
Provincial de Ourense / Xunta de Galicia, Consellería de Cultura, Promoción Social e
144 Bibliografía analítica da lingua galega (2004)